National Film Awards Live: 69 व्या राष्ट्रीय चित्रपट पुरस्कारांची घोषणा सुरू... 'एकदा काय झालं?' सर्वोत्कृष्ट मराठी चित्रपट

National Film Awards Live: कोणते सेलिब्रिटी आणि चित्रपट राष्ट्रीय पुरस्कार पटकाणार? हे जाणून घेण्यासाठी अनेक उत्सुक आहे.

एबीपी माझा एंटरटेनमेंट डेस्क Last Updated: 24 Aug 2023 06:34 PM

पार्श्वभूमी

National Film Awards Live: भारतातील चित्रपटसृष्टीसाठी आजचा दिवस खूप खास असणार आहे. आज म्हणजेच 24 ऑगस्ट 2023 रोजी 69 व्या राष्ट्रीय चित्रपट पुरस्काराची घोषणा होणार आहे. कोणते सेलिब्रिटी आणि चित्रपट राष्ट्रीय पुरस्कार पटकाणार? हे जाणून घेण्यासाठी अनेक खूप उत्सुक आहे.राष्ट्रीय चित्रपट पुरस्कार हा देशातील सर्वात प्रतिष्ठित चित्रपट पुरस्कारांपैकी एक पुरस्कार आहे. या पुरस्काराची सुरुवात 1954 मध्ये झाली. 69 व्या राष्ट्रीय चित्रपट पुरस्काराची घोषणा आज संध्याकाळी पाच वाजता केली जाणार आहे.गेल्या काही दिवसांपासून मल्याळम भाषेतील चित्रपट हे मोठ्या संख्येनं हिंदी चित्रपटांना टक्कर देत आहेत. यंदा नायट्टू आणि मिन्नाल मुरली या दोन चित्रपटांना अनेक श्रेणींमध्ये नामांकन आहे. तसेच राजमोली यांचा RRR हा चित्रपट देखील जोरदार टक्कर देणार आहे. ऑस्कर अवॉर्ड जिंकलेले संगीतकार एम.एम. कीरवणी हे राष्ट्रीय चित्रपट पुरस्कारांमध्ये देखील बाजी मारतात का? ते पाहावं लागेल.राष्ट्रीय चित्रपट पुरस्काराच्या सर्वोत्कृष्ट अभिनेत्री या श्रेणीतील पुरस्कारासाठी आलिया भट्ट आणि कंगना राणौत यांच्या नावाची चर्चा होत आहे. तसेच अभिनेता राम चरणच्या चाहत्यांना आशा आहे की, यंदा RRR चित्रपटामधील अभिनयासाठी सर्वोत्कृष्ट अभिनेत्याचा पुरस्कार मिळावा. तसेच मल्याळम चित्रपटांबरोबरच काही हिंदी चित्रपट देखील राष्ट्रीय चित्रपट पुरस्काराच्या शर्यतीत आहेत. अभिनेत्री आलिया भट्टचा गंगूबाई काठियावाडी तसेच रॉकेट्री, हे चित्रपट राष्ट्रीय चित्रपट पुरस्काराच्या शर्यतीत आहेत.अनेक मल्याळम चित्रपट राष्ट्रीय चित्रपट पुरस्कारच्या शर्यतीत आहेत, जसे की 'नायट्टू', 'मिनल मुरली' आणि 'मेप्पडियन'. यामधील नायट्टू (Nayattu) या चित्रपटाचे दिग्दर्शन मार्टिन प्राकट यांनी केले आहे. या चित्रपटात जोजू जॉर्ज, कुंचको बोबन यांनी प्रमुख भूमिका साकारली. नायट्टू हा चित्रपट 2021 मध्ये प्रदर्शित झाला होता. आता 'नायट्टू' हा चित्रपट राष्ट्रीय चित्रपट पुरस्कारावर आपलं नाव कोरेल का? याकडे अनेकांचे लक्ष लागले आहे.अल्लू अर्जुन 'पुष्पा: द राइज - पार्ट 1' मधील अभिनयामुळे चर्चेत होता. आता राष्ट्रीय चित्रपट पुरस्काराच्या शर्यतीत त्याच्या नावाची चर्चा देखील होत आहे.गेल्या वर्षी '68 वा राष्ट्रीय चित्रपट पुरस्कार' (68th National Film Awards 2022) सोहळा नवी दिल्लीत पार पडला होता. तान्हाजी, सूराराई पोट्ट्रू या चित्रपटांनी राष्ट्रीय चित्रपट पुरस्कारांवर आपलं नाव कोरलं होतं. राष्ट्रपती द्रौपदी मुर्मू यांच्या हस्ते पुरस्कार प्रदान करण्यात आला होता. आता यंदाच्या राष्ट्रीय चित्रपट पुरस्कारांची आज घोषणा असल्यानं चित्रपटसृष्टी तसेच प्रेक्षकांमध्ये उत्सुकता आहे.

24/08/2023 18:34:48

National Film Awards Live Updates : राष्ट्रीय पुरस्कारांची संपूर्ण यादी

बेस्ट नरगिस दत्त अवार्ड फॉर बेस्ट फिल्म ऑन नॅशनल इंटीग्रेशन- द कश्मीर फाइल्स

बेस्ट पॉप्युलर फिल्म- RRR

बेस्ट फीचर फिल्म- रॉक्ट्रेरी: द नंबी इफेक्ट

बेस्ट म्यूजिक डायरेक्शन- पुष्पा/ RRR

बेस्ट मेकअप आर्टिस्ट- गंगूबाई काठियावाड़ी

बेस्ट कॉस्ट्यूम डिजाइनर- सरदार उधम सिंह

बेस्ट सपोर्टिंग अॅक्ट्रेस- पल्लवी जोशी (द कश्मीर फाइल्स)

बेस्ट सपोर्टिंग अॅक्टर- पंकज त्रिपाठी (मिमी)

बेस्ट चाईल्ड आर्टिस्ट- भाविन रबारी

बेस्ट अॅक्ट्रेस- आलिया भट्ट (गंगूबाई काठियावाड़ी), क्रीति सेनन (मिमी)

बेस्ट अॅक्टर- अल्लू अर्जुन (पुष्पा द राइज)

बेस्ट डायरेक्शन- निखिल महाजन (गोदावरी-द होली वाॅटर)