Model Chaiwali Viral Video: डॉली चायवाला (Dolly Chai Wala) आणि व्हायरल वडापाव गर्ल (Viral Vada Pav Girl) सध्या सोशल मीडियावर ट्रेंडमध्ये आहेत. डॉली चायवाल्यानं बिल गेट्स यांनादेखील आपल्या अनोख्या अंदाजात चहा पाजला आहे. तर, वडापाव गर्ल तिच्या स्टाईलमुळे बिग बॉस ओटीटीमध्ये पोहोचली होती. दोघांनी सोशल मीडियावर अक्षरशः धुमाकूळ घातला आहे. देशात कदाचितच कुणी असेल, ज्यांना या दोघांबद्दल काहीच माहीत नसेल. पण, आता या दोघांना जर जपून राहावं लागणार आहे. कारण या दोघांना टक्कर देण्यासाठी मार्केटमध्ये 'मॉडल चायवाली' (Model Chaiwali) आली आहे. सध्या लखनऊमध्ये चहा विकणाऱ्या या स्टायलिश मॉडेल चायवालीचा व्हिडीओ सोशल मीडियावर व्हायरल होत आहे, ज्याला पाहून आता डॉली चायवाल्याला जोरदार टक्कर मिळणार असल्याचं बोलंलं जात आहे. 


स्टायलिश स्टाईल ऑफ मॉडल चायवाली (Simran Gupta The Model Chai Wali)


सोशल मीडियावर व्हायरल होण्यासाठी आणि लोकप्रियता मिळविण्यासाठी लोक अनेक प्रयत्न करतात. दिवसेंदिवस सोशल मीडियावर अनेक व्हिडीओ व्हायरल होत असतात. ज्यात लोक काहीना काही करामती करताना दिसतात. यातील काही व्हिडीओ नेटकऱ्यांकडून व्हायरल होतात.  तर, काही व्हिडीओंवर नेटकऱ्यांकडून टिकेची झोड उठवली जाते. सध्या सोशल मीडियावर मॉडल चायवाली व्हायरल होत आहे. तिच्या व्हायरल होणाऱ्या व्हिडीओमध्ये पाहायला मिळतंय की, मॉडल चायवाली स्कूटरवर तिच्या जागी पोहोचते. सर्वात आधी ती गुलाबाची चव असलेला चहा बनवण्यास सुरुवात करते. तर, दुसरीकडे मॅगी तडका देखील तयार करते. व्हिडीओमध्ये तुम्ही पाहू शकता की, चहा तयार झाल्यानंतर तो ती गुलाबाच्या पाकळ्यांनी सजवते आणि लोकांना देते. तिच्या आगळ्या वेगळ्या अंदाजामुळे ती प्रचंड व्हायरल झाली आहे.  


पाहा मॉडल चायवालीचा व्हिडीओ 






का व्हायरल होतेय 'मॉडेल चायवाली'?


'मॉडेल चायवाली'ची ओळख केवळ तिच्या चहाच्या स्टॉलसाठीच नाही तर तिचा फॅशनेबल लूक आणि आनंदी स्वभावामुळेही आहे. व्हिडीओमध्ये ती आपल्या टपरीवर चहा बनवताना मॉडलप्रमाणे पोझ देते आणि ग्राहकांशी संवाद साधते. तिचा आत्मविश्वास आणि सकारात्मक ऊर्जा तिला इतर चहावाल्यांपेक्षा वेगळी बनवते. हा नवा ट्रेंड लखनौमध्ये मोठ्या प्रमाणात लोकप्रिय होत आहे. 'मॉडेल चायवाली'च्या चहाच्या स्टॉलवर स्थानिकच नव्हे तर तरुणही येत आहेत. ज्या लोकांनी हा व्हिडीओ पाहिला आहे, ते तिच्या चहाच्या चवीसोबतच तिच्या स्टाईलचे कौतूक करताना थकत नाहीत. काही युजर्सनी लिहिलं आहे की, "ही चायवाली खरोखरच अप्रतिम आहे." तर आणखी कुणीतरी म्हटलं आहे की, "तिची शैली खूप छान आहे."


व्हिडीओ पाहून नेटकरी खूश (Stylish Tea Seller)


इन्स्टाग्रामवर हा व्हिडीओ thehungrypanjabi नावाच्या अकाउंटवरुन शेअर करण्यात आला आहे. हा व्हिडीओ आतापर्यंत 3 लाख 42 हजारांहून अधिक लोकांना लाईक केला आहे. व्हिडीओ शेअर करत एक कॅची कॅप्शनही लिहिलं आहे. कॅप्शनमध्ये मॉडल चायवालीच्या स्टॉलचा संपूर्ण पत्ता लिहिला आहे. 5 दिवसांपूर्वी शेअर केलेला हा व्हिडीओ पाहणाऱ्या एका यूजरनं लिहिलं आहे की, चहामध्ये सर्व केसांचा कोंडा मिसळा. आणखी एका युजरनं लिहिलं आहे की, चहा ठीक आहे, पण मॉडेल कुठे आहे? 


महत्त्वाच्या इतर बातम्या : 


पाकिस्तानात राहते Sridevi यांची 'तिसरी मुलगी'; आता सुपरस्टारसोबत स्क्रिन शेअर करण्यासाठी भारतात दाखल