Making of Zindagi Zindagi Song Duniyadari Movie : मरणासन्न अवस्थेत गेलेल्या मराठी चित्रपटांना 2013 मध्ये प्रदर्शित झालेल्या 'दुनियादारी' (Duniyadari Marathi Movie) या मराठी चित्रपटाने देदीप्यमान यश मिळवले. 'दुनियादारी' हा चित्रपट मराठी चित्रपटांसाठी कात टाकणारा चित्रपट होता. अकरा वर्षांपूर्वी प्रदर्शित झालेल्या 'दुनियादारी' चित्रपटाने मोठी कमाई करत मराठी चित्रपट सुद्धा कोट्यवधी रुपयांची उड्डाण करू शकतात हे दाखवून देणारा असा हा चित्रपट होता. या चित्रपटाची कथा, पात्र आणि गाणी आजही मराठी चित्रपट रसिकांच्या हृदयात घर करून आहेत.
'जिंदगी जिंदगी' कसं रेकाॅर्ड झालं? Making of Zindagi Zindagi Song
या चित्रपटातील 'जिंदगी जिंदगी' हे गाणं आजही पाहिलं आणि ऐकलं जातं. याच गाण्याचा मेकिंग व्हिडिओ समोर आला आहे. हे गाणं कोणत्या पद्धतीने चित्रित करण्यात आलं, याचा हा व्हिडिओ आहे. 'जिंदगी जिंदगी' गाण्यासाठी अनेक अभिनेत्यांनी आवाज दिला होता हे सांगितल्यास आपला विश्वास बसणार नाही.
सचिन पिळवगावकरांची भविष्यवाणी खरी ठरली
'जिंदगी जिंदगी' या शीर्षक गीतासाठी या चित्रपटातल्या शीर्षक गीतासाठी सचिन पिळगावकर, महेश मांजरेकर, सुमीत राघवन, सुनील बर्वे, प्रसाद ओक, केदार शिंदे, पंढरीनाथ कांबळी, सिद्धार्थ जाधव, वैभव मांगले, अंकुश चौधरी, स्वप्नील जोशी यांनी आवाज दिला आहे. स्टुडिओत 'जिंदगी जिंदगी' गाणं रेकाॅर्ड होत असताना अभिनेते सचिन पिळगावकर हे गाणं खूप प्रसिद्ध होईल, असं आत्मविश्वासाने सांगताना दिसून येतात. चित्रपट प्रदर्शित झाल्यानंतर गाण्याला मराठी चित्रपट रसिकांनी डोक्यावर घेतले, हे नव्याने सांगण्याची गरज नाही.
सुभाष शिरोळकर यांच्या दुनियादारी कादंबरीवर आधारित चित्रपट (Duniyadari)
दुनियादारी' हा चित्रपट 2013 मध्ये प्रदर्शित झाला. हा चित्रपट सुभाष शिरोळकर यांच्या दुनियादारी कादंबरीवर आधारित होता. 'दुनियादारी' या चित्रपटात अंकुश चौधरी, स्वप्नील जोशी, जितेंद्र जोशी, संदीप कुलकर्णी, उदय टिकेकर, उदय सबनीस, सुशांत शेलार, सई ताम्हणकर, ऊर्मिला कानेटकर, वर्षा उसगांवकर, योगेश शिरसाट, आनंद अभ्यंकर आणि नागेश भोसले यांच्या प्रमुख भूमिका आहेत.
'दुनियादारी' हा चित्रपट प्रत्येकाच्या प्रवासाबद्दल आहे ज्यामुळे अखेरीस त्यांना आयुष्याचा खरा चेहरा समजतो. तब्बल 50 आठवडे हा चित्रपट चित्रपटगृहात अधिराज्य गाजवत होता. जिंदगी जिंदगी गाण्यासह टिक टिक वाजते आणि देवा तुझ्या गाभाऱ्याला या दोन गाण्यांनी सुद्धा मराठी चित्रपट रसिकांना वेड लावले होते.
इतर महत्वाच्या बातम्या