KGF Chapter 2 Box Office Collection : साऊथ सुपरस्टार यशच्या (Yash) ‘केजीएफ 2’चा (KGF 2) बॉक्स ऑफिसवर धुमाकूळ सुरूच आहे. या चित्रपटाने प्रदर्शनानंतर अनेक विक्रम मोडीत काढले आहेत. सलग दुसऱ्या आठवड्यातही चित्रपटाची यशस्वी घौडदौड सुरूच आहे. या चित्रपटाने वर्ल्ड वाईड कलेक्शनमध्ये जवळपास 750 कोटींचा टप्पा पार केला आहे. प्रशांत नील दिग्दर्शित या चित्रपटात संजय दत्त, रवीना टंडन आणि श्रीनिधी शेट्टी यांच्याही महत्त्वाच्या भूमिका आहेत.
‘केजीएफ’ हा कोरोनानंतर सर्वाधिक कमाई करणारा चित्रपट ठरला आहे. या चित्रपटाने पहिल्या दिवशी 53.95 कोटी, दुसऱ्या दिवशी 46.79 कोटी, तिसऱ्या दिवशी 42.90 कोटी, चौथ्या दिवशी 50.35 कोटी, पाचव्या दिवशी 25.57 कोटी, सहाव्या दिवशी 19.14 कोटी, सातव्या दिवशी 16.35 कोटी आणि आठव्या दिवशी 13.58 कोटींची कमाई केली आहे. या चित्रपटाच्या हिंदी व्हर्जनचे एकूण कलेक्शन 280.19 कोटी झाले आहे. वर्ल्ड वाईड कलेक्शनमध्ये या चित्रपटाने अवघ्या दहा दिवसांत 800 कोटींचा टप्पा ओलांडला आहे.
'केजीएफ 2' चित्रपटाचे दिग्दर्शन प्रशांत नील यांनी केले आहे. 2018मध्ये प्रदर्शित झालेल्या ‘केजीएफ’ चित्रपटाचा हा सिक्वेल आहे. यश व्यतिरिक्त या चित्रपटात संजय दत्त, रवीना टंडन आणि श्रीनिधी शेट्टी देखील मुख्य भूमिकेत दिसले आहेत. या चित्रपटातील मुख्य अभिनेता यशच्या दमदार अभिनयाने लोकांना त्याचे वेड लावले आहे. यशचा ‘केजीएफ 2’ हा चित्रपट अनेक भाषांमध्ये प्रदर्शित झाला आहे.
हेही वाचा :