Kavya Maran vs Anirudh: आयपीएल टीम सनराइजर्स हैदराबादची सीईओ काव्या मारन (Kavya Maran) आणि प्रसिद्ध म्यूझिशियन अनिरुद्ध रविचंदर (Anirudh Ravichander) दोघेही आपल्या पसर्नल लाइफमुळे चर्चेत आहेत. दोघेही लवकरच लग्नबंधनात (Marriage) अडकणार असल्याची माहिती आहे. दोघांच्या लग्नाच्या चर्चांना उधाण आलं आहे. मीडिया रिपोर्ट्सनुसार, दोघांचं लग्न नोव्हेंबर 2026 रोजी होऊ शकते, असा अंदाज आहे. अशातच चेन्नईमधील रिसेप्शनबाबतही माहिती समोर आली आहे. दरम्यान, अनिरुद्ध रविचंदर नेमका कोण आहे? तो किती कमावतो? काव्या मारनची एकूण संपत्ती किती? हे जाणून घेण्यासाठी प्रेक्षक उत्सुक आहेत.
अनिरुद्ध रविचंदरला कशामुळे ओळख मिळाली? (Kavya Maran vs Anirudh Ravichander Who Is Richer)
अनिरुद्ध रविचंदर याचा जन्म 16 ऑक्टोबर 1990 रोजी चेन्नई येथे झाला. अनिरुद्ध हा भारतीय सिनेसृष्टीतील एक सुप्रसिद्ध संगीतकार, गायक आणि संगीत निर्माते आहे. त्याने आपल्या कारकि‍र्दीची सुरुवात तामिळ सिनेसृष्टीतून केली. नंतर त्याने हिंदी आणि तामिळ चित्रपटांमध्येही काम केलं आहे. 'Why This Kolaveri Di' या गाण्यामुळे त्याला विशेष ओळख मिळाली. हे गाणं भारतासह परदेशातही फेमस झालं. यानंतर विक्रम, जेलर, लियो, जवान अशा बिग बजेट सिनेमांमधून त्याला विशेष प्रसिद्धी मिळाली. मिळालेल्या माहितीनुसार, अनिरुद्ध रविचंदरचे कौटुंबिक संबंध रजनीकांतच्या कुटुंबाशी देखील आहे. त्याचे वडील रवी राघवेंद्र हे एक अभिनेते आहेत.
काव्या मारन कोण आहे?
काव्या मारन ही सन ग्रुपचे चेअरमन कलानिधी मारन आणि कावेरी मारन यांची कन्या आहे. काव्या इंडियन प्रीमिअर लीग टीम सनराइजर्स हैदराबादची सीईओ आहे. काव्या हिचे कुटुंब मीडिया आणि मनोरंजन व्यवसायातील एक प्रमुख नाव आहे. सन ग्रुपचा बिझनेस टेलिव्हिजन, मीडिया आणि चित्रपट निर्मीती यांसारख्या क्षेत्रांमध्ये पसरलेला आहे.
अनिरुद्ध रविचंदर की काव्या मारन? कोण जास्त श्रीमंत?
अनिरुद्ध की काव्या, दोघांमध्ये कोण जास्त श्रीमंत? यावर सर्वाधिक चर्चा चाहत्यांमध्ये होत आहे. मीडिया रिपोर्ट्सनुसार, अनिरुद्ध रविचंदर याची अंदाजे एकूण संपत्ती सुमारे 50 कोटी रुपये इतकी आहे. त्याचा उत्पन्नाचा मोठा भाग सिनेमा आणि इतर व्यावसायिक प्रोजेक्टमधून येतो. दरम्यान, त्याची संगीताबद्दलची कोणतीही आर्थिक माहिती सार्वजनिकरित्या उपलब्ध नाही आहे. तर, काव्या मारनच्या नेट वर्थबाबत विविध साइट्समधून विविध आकडेवारी समोर येत आहे. काही रिपोर्ट्सनुसार, काव्या मारनची नेट वर्थ साधारण 400 ते 500 कोटी असल्याची माहिती आहे. काही रिपोर्ट्सनुसार, काव्याची नेटवर्थ अनिरुद्धपेक्षा जास्त असल्याची माहिती आहे.
महत्त्वाच्या इतर बातम्या: