TOP 5 Entertainment News : दिवसभरातील पाच महत्त्वाच्या मनोरंजनविषयक बातम्या -
'धाकड'चा टीझर प्रदर्शित
बॉलिवूड अभिनेत्री कंगना रनौतच्या बहुचर्चित 'धाकड' सिनेमाचा टीझर नुकताच प्रेक्षकांच्या भेटीला आला आहे. गेले अनेक दिवस प्रेक्षक या सिनेमाची आतुरतेने वाट पाहत आहेत. हा सिनेमा 20 मे रोजी प्रेक्षकांच्या भेटीला येणार आहे. 'धाकड'चा टीझर प्रेक्षकांच्या पसंतीस उतरत आहे. या टीझरमध्ये कंगना अॅक्शन मोडमध्ये दिसत आहे.
मार्व्हल स्टूडियोजचा Doctor Strange 2 'या' दिवशी होणार रिलीज
मार्व्हल स्टूडियोजचा 'डॉक्टर स्ट्रेंज इन द मल्टीवर्स ऑफ मॅडनेस' हा चित्रपट पुढच्या महिन्यामध्ये प्रदर्शित होणार आहे. ‘डॉक्टर स्ट्रेंज’ हा चित्रपट 2017 मध्ये प्रदर्शित झाला होता. या चित्रपटानं 'ओपनिंग-डे'ला 8.5 कोटी डॉलरची कमाई केली होती. आता या चित्रपटाचा सिक्वेल म्हणजेच 'डॉक्टर स्ट्रेंज-2' हा चित्रपट प्रेक्षकांच्या भेटीस येत आहे. आता या चित्रपटाच्या प्री-बुकींगला देखील सुरूवात झाली आहे.
आयुष्मान खुरानाच्या 'अनेक' ची रिलीज डेट ढकलली पुढे
बॉलिवूड अभिनेता आयुष्मान खुरानाच्या आगामी 'अनेक' सिनेमाची रिलीज डेट पुढे ढकलण्यात आली आहे. हा सिनेमा आधी 13 मे 2022 रोजी रिलीज होणार होता. पण आता हा सिनेमा 27 मे 2022 रोजी प्रेक्षकांच्या भेटीला येणार आहे. आयुष्मान खुरानाने नवे पोस्टर शेअर करत यासंदर्भात माहिती दिली आहे.
'भारत माझा देश आहे' सिनेमाचा टीझर प्रदर्शित
'भारत माझा देश आहे' हा देशभक्तीपर सिनेमा येत्या 6 मे ला प्रेक्षकांच्या भेटीला येणार आहे. या सिनेमाच्या पोस्टरने प्रेक्षकांची उत्सुकता वाढवली होती. पण आता टीझर प्रदर्शित झाल्याने प्रेक्षक सिनेमाची आतुरतेने वाट पाहत आहेत. जवानांच्या कुटुंबियांसोबत या सिनेमाचा टीझर लॉंच करण्यात आला आहे.
ब्रिटनी स्पीयर्स लवकरच आई होणार
पॉप सिंगर ब्रिटनी स्पीयर्स तिच्या वडिलांसोबत सुरू असलेल्या गार्डियनशिप प्रकरणामुळे बराच काळ चर्चेत होती. पॉप सिंगर नेहमीच वेगवेगळ्या कारणांमुळे चर्चेत राहिली आहे. आता तिने तिच्या मातृत्वाची घोषणा केली आहे, ज्याने सर्वांनाच आश्चर्याचा धक्का बसला आहे. ब्रिटनी स्पीयर्सने सोशल मीडियाच्या माध्यमातून ही आनंदाची बातमी शेअर केली आहे. इंस्टाग्रामवर पोस्ट शेअर करून ब्रिटनीने सांगितले की, ती लवकरच आई होणार आहे. ही आनंदाची बातमी आपल्या चाहत्यांसोबत शेअर करताना ब्रिटनीने सोशल मीडियावर एक लांबलचक नोटही शेअर केली आहे.
संबंधित बातम्या