Chethana Raj : कन्नड मालिकांमधून प्रेक्षकांच्या भेटीस येणारी प्रसिद्ध अभिनेत्री चेतना राजचे (Chethana Raj) निधन झाले आहे. तिनं वयाच्या 21 व्या वर्षी अखेरचा श्वास घेतला. मीडिया रिपोर्टनुसार, बंगळुरुमधील एका खाजगी रुग्णालयामध्ये प्लॅस्टिक सर्जरी केल्यानंतर तिचा मृत्यू झाला. तिला काल (16 मे) सकाळी रुग्णालयात दाखल करण्यात आले आणि तिच्यावर 'फॅट फ्री' शस्त्रक्रिया करण्यात आली. शस्त्रक्रिया झाल्यानंतर तिला शरीरामध्ये काही बदल जाणवले. फुफ्फुसात पाणी शिरल्यानं संध्याकाळी तिची तब्येत खालावली. तिला श्वास घेण्यात देखील त्रास जाणवू लागला.
मीडिया रिपोर्टनुसार, चेतनानं या शस्त्रक्रियेबाबत तिच्या आई-वडिलांना माहिती दिली नव्हती. तिच्या मैत्रीणींसोबत ती शस्त्रक्रिया करण्यासाठी हॉस्पिटलमध्ये गेली होती. डॉक्टरांच्या निष्काळजीपणामुळेच त्यांच्या मुलीचा अकाली मृत्यू झाल्याचा दावा चेतनाचे पालक सध्या करत आहेत.
चेतनचा मृतदेह हा बंगळुरुमधील हॉस्पिटलमध्ये आहे. तिचा मृतदेह हा शवविच्छेदनासाठी रमाय्या रुग्णालयात हलवण्यात येईल. याप्रकरणी नजीकच्या पोलीस ठाण्यात रुग्णालय समितीच्या विरोधात पोलीस तक्रार दाखल करण्यात आली आहे. त्यासंदर्भातील अधिक माहिती लवकरच देण्यात येणार आहे. गीता आणि दोरेसानी यांसारख्या मालिकांमध्ये चेतनाने काम केले होते.
चेतना राजचे कुटुंब हे बेंगळुरूमधील अबेगेरे येथे राहत होते. चेतनानं अनेक चित्रपट आणि मालिकांमध्ये काम केलं. गीता आणि दोरेसानी यांसारख्या मालिकांमध्ये चेतनाने काम केले होते. तिनं "हवाईयन" चित्रपटातही महत्त्वाची भूमिका साकारली. केवळ चेतनाच नाही तर अभिनयक्षेत्रामधील अनेक अभिनेत्री या प्लॅस्टीक सर्जरी किंवा फॅट फ्री सर्जरी करतात. प्रियंका चोप्रा, शिल्पा शेट्टी, अनुष्का शर्मा, जान्हवी कपूर, शृती हसन या अभिनेत्रींनी प्लॅस्टिक सर्जरी केली आहे.
हेही वाचा :
- Chhupe Rustam : रंगभूमीवर नव्या नाटकाची नांदी, ‘छुपे रुस्तम’मधून प्रेक्षकांच्या भेटीला येणार हृषिकेश-प्रियदर्शनची जोडी!
- Zollywood : ‘झॉलीवूड’मध्ये झळकणार झाडीपट्टीचे 130 कलाकार, ‘या’ दिवशी चित्रपट रिलीज होणार!
- Dhak Dhak Poster : कुणी बुरखा तर, कुणी परिधान केलाय पंजाबी ड्रेस! बाईकवर स्वार होऊन लडाख राईडला निघाल्या बॉलिवूडच्या स्टार्स!