Jhund : बॉलिवूडचे महानायक अमिताभ बच्चन (Amitabh Bachchan) यांची प्रमुख भूमिका असलेला झुंड (Jhund) हा सध्या अनेकांच्या पसंतीस पडत आहे. अनेक प्रेक्षकांनी या चित्रपटाचे कौतुक केलं आहे. काही दिवसांपूर्वी अभिनेता आमिर खाननं (Aamir Khan)  हा चित्रपट पाहिला.आमिरसाठी या चित्रपटाचं प्रायव्हेट स्क्रिनिंगचं आयोजन करण्यात आले होते. हा चित्रपट पाहिल्यानंतर आमिरचे डोळे पाणावले. टी सीरिजनं त्यांच्या यूट्यूब चॅनलवर एक व्हिडीओ शेअर केला होता. या व्हिडीओमध्ये आमिर चित्रपटाचे कौतुक करताना दिसला. आमिरनं झुंड पाहिल्यानंतर दिलेल्या रिअॅक्शनवर आता अमिताभ बच्चन यांनी प्रतिक्रिया दिली आहे. 


अमिताभ बच्चन एका मुलाखतीमध्ये म्हणाले, 'आमिर हा नेहमी ओव्हर एक्सायटेड होतो. तो एक चांगला परिक्षक आहे. मी त्यानं केलेल्या कौतुकाबद्दल त्याचे आभार मानतो.' झुंड चित्रपटात अमिताभ बच्चन यांच्यासोबतच आकाश ठोसर आणि रिंकू राजगुरू या कलाकारांनी प्रमुख भूमिका साकारली आहे. 






आमिरनं केलं होतं चित्रपटाचं कौतुक
झुंड चित्रपट पाहिल्यानंतर आमिर म्हणाला होता, 'हा चित्रपट यूनिक आहे.अमिताभ बच्चन यांनी अनेक चांगल्या चित्रपटांमध्ये काम केले आहे पण हा त्यांच्या सर्वात चांगल्या चित्रपटांमधील एक चित्रपट आहे.तसेच या चित्रपटात लहान मुलांनी देखील चांगलं काम केलं आहे.' झुंड चित्रपटाचे दिग्दर्शन नागराज मंजुळे यानं केलं आहे. चित्रपट पाहिल्यानंतर आमिरनं नागराजचं देखील कौतुक केलं होतं. 


संबंधित बातम्या



LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha