Jennifer Lopez, Ben Affleck : हॉलिवूडची सुप्रसिद्ध अभिनेत्री-गायिक जेनिफर लोपेझ (Jennifer Lopez) आणि अभिनेता बेन अफ्लेक (Ben Affleck) यांनी आता लग्नगाठ बांधली आहे. सध्या या दोघांची जोडी चर्चेत आहेत. जेनिफर आणि बेन जवळपास मागील 20 वर्षांपासून एकमेकांना डेट करत होते. आता दोघांनीही त्यांच्या नात्याला नवीन नाव दिलं आहे. या दोघांनी लास वेगासमध्ये लग्न केले. दोघांनी यावर्षी एप्रिल महिन्यात त्यांच्या नात्याची अधिकृत घोषणाही केली होती. या दोघांच्या लग्नाची बातमी ऐकून त्यांच्या चाहत्यांना आनंद झाला आहे. चाहते या दोघांच्या लग्नाची अनेक दिवसांपासून वाट पाहत होते.
जेनिफर लोपेझ आणि बेन अफ्लेक या दोघांचे अफेअर 2000पासून चर्चेत होते. 2002 मध्ये दोघांनी एंगेजमेंट केली होती. पण त्याच वर्षी दोघांचे ब्रेकअपही झाले होते. यानंतर दोघांनी वेगवेगळ्या जोडीदारांसोबत लग्न केले होते. त्यांना मुलं देखील आहेत. मात्र, काही काळानंतर ते पुन्हा एकत्र आले होते आणि त्यांनी लग्न केले.
20 वर्षांनी बांधली लग्नगाठ
मीडिया रिपोर्ट्सनुसार, ‘बॅटमॅन’ फेम अभिनेता बेन ऍफ्लेक आणि जेनिफर लोपेझ यांना शनिवार, 16 जुलै रोजी एकमेकांशी लग्न केले आहे. इतकेच नाही तर, जेनिफरच्या ब्रायडल लूकचे काही फोटोही समोर आले आहेत, जे सोशल मीडियावर व्हायरल होत आहेत. जेनिफरचा जवळचा मित्र हेअरस्टायलिस्ट क्रिस अॅपलटाउनने तिच्या ब्रायडल लूकचा एक छोटासा व्हिडीओ इंस्टाग्रामवर शेअर केला आहे.
पाहा व्हिडीओ :
या व्हिडिओमध्ये जेनिफरने पांढऱ्या रंगाचा साधा वेडिंग गाऊन परिधान केलेला दिसत आहे. अभिनेत्रीचा हा व्हिडीओ शेअर करत ख्रिस अॅपलटाउनने कॅप्शनमध्ये लिहिले की, ‘लग्नापूर्वीच्या शेवटच्या क्षणातील भावना…’. हॉलिवूडचे हे लाडके जोडपे लवकरच त्यांच्या अधिकृत विवाह सोहळ्यासाठी लास वेगासला परतणार आहे.
जेनिफर आणि बेन यांनी एका निवेदन जारी करत त्यांच्या लग्नाची घोषणा केली. त्यात जेनिफरने लिहिले की, 'प्रेम सुंदर आहे, प्रेम दयाळू आहे. म्हणूनच प्रेम देखील सहनशील आहे. 20 वर्षांच्या प्रतिक्षेनंतर आता एकत्र आलो आहोत.’
हेही वाचा :
R Madhavan : आर माधवनच्या लेकाची पुन्हा यशस्वी भरारी, स्विमिंगमध्ये मोडला नॅशनल रेकॉर्ड!