Marathi actor post on Pune Porshe Accident : रविवारची पहाट ही पुणेकरांसाठी (Pun Porshe Car Accident) हादरवून सोडणारी ठरली. पुण्यातील कल्याणीनगर भागात एक अपघात घडला आणि दोन तरुण इंजिनीअर्सचा यामध्ये दुर्दैवी अंत झाला. पोर्शे कारमुळे झालेल्या या अपघातामुळे संपूर्ण महाराष्ट्र हादरला. दरम्यान या घटनेनंतर सामान्य जनेतूनमध्ये याबद्दल तीव्र रोष देखील व्यक्त केला जातोय. याचं मुख्य कारण म्हणजे ही भरधाव वेगात ही कार चालवणारा एक धनिकपुत्र असून त्याचं नाव वेदांत अग्रवाल असं आहे. वेदांत हा मध्यरात्री पिऊन वेगाने गाडी चालवत होता. दरम्यान वेदांत हा अल्पवयीन असून त्याला अपघातानंतर अवघ्या काही तासांतच जामीन मिळाला. त्यामुळे पुन्हा एकदा महाराष्ट्रातून संतापाची लाट उसळली.
विशेष म्हणजे यामध्ये काही अटी शर्तींवर जामीन देण्यात आला आहे. त्या अटी शर्तींवरही महाराष्ट्रभरातून संतप्त प्रतिक्रिया येत आहेत. वेदांत अग्रवालला पंधरा दिवस ट्रॅफिक कॉन्स्टेबलसोबत चौकात उभे राहून वाहतुकीचे नियोजन करावे लागणार आहे. वेदांत अग्रवाल मानसोपचार तज्ञांकडून उपचार घ्यावे लागणार आहेत.वेदांत अग्रवाल भविष्यात अपघात झाल्याचे दिसल्यास त्याला अपघातग्रस्तांना मदत करावी लागेल. तसेच पुणे पोलिसांनी त्याला 300 शब्दांचा निबंध लिहिण्याची शिक्षा दिली आहे. यावर हृषिकेश जोशीने एक मार्मिक पोस्ट केली आहे. सध्या सोशल मीडियावर या पोस्टची बरीच चर्चा सुरु आहे.
हृषिकेशची पोस्ट नेमकी काय?
हृषिकेशने त्याच्या फेसबुकवरुन ही पोस्ट केली आहे. त्यामध्ये त्याने म्हटलं की, मग आता निबंधात कमी मार्क्स मिळाले म्हणून तुरुंगात घालायचा कायदा तरी आणा..., अशी मार्मिक पोस्ट हृषिकेशने केली आहे. त्यामुळे आता कलाकार देखील या घटनेवर भाष्य करत असल्याचं पाहायला मिळतंय. या अपघातानानंतर सोशल मीडियावरचं वातावरणही चांगलच तापलं असून अनेकजण याविषयीचा रोष सोशल मीडियावर व्यक्त करत आहेत.
नेमकं काय घडले?
वेदांत शनिवारी रात्री मित्रांसोबत graduation party करण्यासाठी गेला होता. पार्टीला जाताना वडिलांची आलीशान पॉर्शे कार घेऊन तो गेला.पार्टी संपवून वेदांत ड्रायव्हिंग सीटवर बसला आणि ड्रायव्हरला शेजारी बसवले. त्याचे दोन मित्र देखील गाडीत मागे बसलेले होते. दारूच्या नशेत वेदांतने गाडीचा स्पीड वाढवला , ट्रम्प टॉवर समोर आल्यानंतर त्याचा कंट्रोल सुटला आणि त्याने समोरच्या पल्सरला धडक दिली. त्यांनंतर एका स्वीफ्ट कारला धडक दिली. कोट्यवधी रुपये किमतीच्या कारनं आणि कारचालकाच्या बेदरकारपणानं दोघांचा जीव घेतला. पुण्यातल्या ब्रह्मा कॉर्प या नामांकित बिल्डरचा तो मुलगा आहे. पुण्यातल्या रस्त्यावर तो मध्यरात्री भरधाव वेगात गाडी चालवत होता. ही धडक एवढी जोरदार होती की या धडकेत दोघांचा जागीच मृत्यू झाला. अनिश अवधिया आणि अश्विनी कोस्टा असे दोघेही आयटी अभियंते होते.