Martial Arts Icon Chuck Norris Dies: हॉलिवूड सिनेसृष्टीतून एक दु:खद बातमी समोर येत आहे.  दिग्गज अभिनेते चक नॉरिस यांचं निधन झाले आहे.  86 व्या वर्षी अभिनेत्याने अखेरचा श्वास घेतला.  चकने आपल्या कारकि‍र्दीत बऱ्याच चित्रपटांमध्ये महत्त्वाची भूमिका साकारली आहे. 'लोन वुल्फ मॅकक्वेड', 'कोड ऑफ साइलेंस' आणि 'वेह ऑफ द ड्रॅगन', या चित्रपटातील त्यांच्या भूमिकांचं प्रचंड कौतुक झालंय.  कलाकाराच्या निधनानंतर अभिनेत्याच्या कुटुंबाने एक पोस्ट सोशल मीडियात शेअर केलीये.  या पोस्टमधून त्यांनी अभिनेत्याच्या निधनाची अधिकृत माहिती दिली. सध्या ही पोस्ट सोशल मीडियात व्हायरल होत आहे.  त्यांच्या निधनानंतर मनोरंजनसृष्टीतील कलाकारांनी पोस्ट शेअर करत शोक व्यक्त केला आहे. 

चक नॉरिसच्या कुटुंबाने इन्स्टाग्रामवर एक इमोशनल पोस्ट शेअर केली आहे.  त्यांनी पोस्टमध्ये चक यांचा फोटो शेअर केला आहे. तसेच फोटोला एक  भावनिक कॅप्शन दिला आहे. 'अत्यंत दु:खाने, आमच्या लाडक्या चक नॉरिस यांच्या  आकस्मिक निधनाची बातमी देत आहोत.  आम्ही  ही बातमी खासगी ठेवणार होतो.  शेवटच्या क्षणी ते कुटुंबासोबत होते.  शांतीने आमच्या आयुष्यातून निघून गेले', असं कॅप्शनमध्ये लिहिण्यात आले आहे. सध्या ही पोस्ट सोशल मीडियात व्हायरल होत आहे.

'जगासाठी ते एक महान  मार्शल आर्टिस्ट आणि अभिनेता होते.  पण आमच्यासाठी ते एक चांगले पती, मुला बाळांवर प्रेम करणारे वडील,  भाऊ आणि आमच्या कुटुंबाचे ह्रदय होते. त्यांनी आपले  पूर्ण आयुष्य श्रद्धा, ध्येय आणि आपल्या प्रियजनांप्रती पूर्ण निष्ठेने जगले', असंही पोस्टच्या कॅप्शनमध्ये लिहिण्यात आलं आहे. 

नॉरिसच्या कुटुंबाने आपल्या चाहत्यांसाठीही एक मेसेज शेअर केला आहे. 

'चक नॉरिस यांनी आपल्या कारकि‍र्दीत, कामातून, शिस्तीतून आणि दयाळूपणातून जगातील लाखो लोकांना प्रेरणा दिली आहे.  त्यांच्या निधनानंतर आम्ही तुटलो आहोत.  पण त्यांनी आमच्यासोबत घालवलेल्या क्षणांबाबत आभारी आहोत. जगभरातील त्याच्या चाहत्यांकडून मिळालेले प्रेम  आणि पाठिंबा त्यांच्यासाठी खूप महत्त्वाचे होते.  कुटुंबाच्या वतीने आम्ही चाहत्यांचे मनापासून आभारी मानतो. कृपया या दु:खद काळात आमच्या कुटुंबाला एकांत द्या. तुमच्या प्रेमाबद्दल खूप धन्यवाद', असं म्हणत त्यांच्या कुटुंबाने फॅन्सकडून मिळणाऱ्या पाठिंबा आणि प्रेमासाठी आभार व्यक्त केल्या आहेत.

चक यांची प्रकृती नाजूक होती

 

टीएमजेडच्या वृत्तानुनासर,  या महिन्यात चक यांनी 86व्या वर्षी पदार्पण केलं होतं. 19 मार्च रोजी त्यांची प्रकृती बिघडली. त्यांना तातडीने हॉस्पिटलमध्ये उपचारासाठी दाखल करण्यात आलं होतं. मात्र, त्यांची प्राणज्योत मालवली.