Heeramandi Released Date : संजय लीला भन्साळी (Sanjay Leela Bhansali) यांच्या 'हिरामंडी: द डायमंड बाजार' (Heeramandi : The Diamond Bazaar) या वेब सिरिजची सर्वांनात उत्सुकता लागून राहिली आहे. मागील अनेक दिवसांपासून ही सिरिज प्रेक्षकांच्या भेटीला कधी येणार हा प्रश्न सातत्याने उपस्थित होत होता. पण अखेरीस या सिरिजच्या रिलीजचा मुहूर्त सापडला आहे. विशेष म्हणजे या सिरिजमधील एका अभिनेत्रीच्या लग्नादिवशीच या सिरिजच्या रिलीजविषयी एका कार्यक्रमात घोषणा करण्यात आली. नीषा कोईराला, सोनाक्षी सिन्हा, अदिती राव हैदरी (Aditi Rao haidari), रिचा चढ्ढा, संजीदा शेख आणि शर्मीन सहगल यांसारख्या अभिनेत्री या सिरिजमध्ये झळकणार आहेत.
आधी या सिरिजचं पोस्टर रिलीज करण्यता आलं होतं. त्यानंतर या सिरिजमधील अभिनेत्रींचे फस्ट लूक समोर आले. त्यानंतर सिरिजमधील गाणी देखील रिलीज झाली. पण तरीही या सिरिजच्या रिलीजबाबत कोणताही घोषणा करण्यात येत नव्हती. अखेरीस अनेक तर्क - वितर्कानंतर हिरामंडी या सिरिजच्या रिलीजची अधिकृत घोषणा करण्यात आली. संजय लीला भन्साळी यांच्या 'हिरामंडी: द डायमंड बाजार' ही सिरिज पाहण्यासाठी प्रत्येकजण उत्सुक आहे.
या दिवशी सिरिज ओटीटीवर होणार रिलीज
एका कार्यक्रमात विशेष अंदाजात या सिरिजची घोषणा करण्यात आली आहे. ही सिरिज 1 मे 2024 रोजी Netflix वर प्रदर्शित होणार आहे.मुंबईत आयोजित एका कार्यक्रमात या वेब सीरिजच्या रिलीज डेटची घोषणा करण्यात आली. सिरिजचं नाव आणि तारीख हे दोन्ही आकाश ड्रोनद्वारे लिहिण्यात आले.यावेळी मनीषा कोईराला, सोनाक्षी सिन्हा, रिचा चढ्ढा, संजीदा शेख आणि शर्मीन सहगल तिथे उपस्थित होत्या. पण अदिती हैदर मात्र या कार्यक्रमाला उपस्थित राहू शकली नाही.
आदिती राव हैदर अडकली लग्नबंधनात
दरम्यान अदिती राव हैदर हिनं नुकतच अभिनेता सिद्धार्थसोबत लग्नगाठ बांधली. ती देखील या सिरिजमध्ये झळकणार आहे. पण तिच्या लग्नसोहळ्यामुळे ही या कार्यक्रमाला उपस्थित राहू शकली नसल्याचं या कार्यक्रमात सांगण्यात आलं. त्यामुळे अदिती रावच्या लग्नानंतर हिरामंडीच्या रिलीजचा मुहूर्त सापडला असं म्हणायला हरकत नाही.