Farah Khan On Chunkey Pandey : बॉलिवूडमधील प्रसिद्ध फिल्ममेकर आणि कोरिओग्राफर असणारी फराह खान (Farah Khan) तिच्या विनोदी शैलीनं नेहमी मनं जिंकते. अभिनेता चंकी पांडेच्या ( Chunkey Pandey ) मुलीनं म्हणजेच अनन्या पांडेनं (Ananya Panday) नुकताच एक व्हिडीओ शेअर केला. या व्हिडीओमध्ये फराह आणि अनन्या यांचा विनोदी अंदाज दिसत आहे.
अनन्यानं शेअर केलेल्या व्हिडीओमध्ये फरहा ही आनन्याच्या मेक-अप रुममध्ये आलेली दिसत आहे. यावेळी फराह ही अनन्याला म्हणते, 'अनन्या तुला खाली-पीली चित्रपटासाठी नॅशनल अवॉर्ड मिळालं आहे. ' हे ऐकताच आनन्या आनंदी होते. पण त्यानंतर फराह ही चंकी पांडेचा, 'I am joking...' हा डायलॉग म्हणते. हे ऐकताच अनन्याला वाईट वाटतं. या व्हिडीओला चंकी पांडेनं कमेंट केली, 'फराह या व्हिडीओमधील तुझ्या ओव्हर अॅक्टिंगसाठी तुला अवॉर्ड दिलं पाहिजे. ' या कमेंटला फराहनं रिप्लाय दिला, 'चंकी पांडे तु आधी स्वत:च्या मुलीला सांभाळ'
अनन्या पांडेनं 2019 मध्ये प्रदर्शित झालेल्या 'स्टूडेंट ऑफ द ईयर 2' या चित्रपटामधून बॉलिवूडमध्ये पदार्पण केलं. त्यानंतर तिनं पती पत्नी और वो, खाली पीली आणि गेहराईया या चित्रपटामध्ये प्रमुख भूमिका साकारली. लवकरच अनन्याचा 'Liger' हा चित्रपट प्रेक्षकांच्या भेटीस येणार आहे. या चित्रपटामध्ये अनन्यासोबतच विजय देवरकोंडा हा देखील प्रमुख भूमिका साकारणार आहे.
संबंधित बातम्या