Bigg Boss 18: बिगबॉसच्या घरात आज एका स्पर्धकाचा प्रवास संपणार आहे. नुकताच बिगबॉसच्या घरातील एलिमिनेशनचा एक प्रोमो कलर्स टीव्हीने शेअर केला आहे. ज्यात सारा ताजिंदर आणि मुस्कान यांच्यापैकी एकाचा प्रवास आज संपणार असल्याचं कळतंय. घरातील एका स्पर्धकाची एक्सपायरी डेट जवळ आली आहे. सारा, मुस्कान आणि ताजिंदर यांच्यापैकी एकजण आज घराबाहेर जाणार आहे. दरम्यान, घरातील स्पर्धकांनी कोण घराबाहेर जाणार यावर कारण सांगत त्या स्पर्धकाच्या चेहऱ्यावर गेट आऊटचं स्टिकर चिटकवलं आहे. आता कोणाचा बिगबॉसच्या घरातील प्रवास आज थांबतो याकडे प्रेक्षकांचे लक्ष आहे.
सारा, मुस्कान की ताजिंदर?
बिग बॉसच्या घरात तिसरा आठवडा सुरु असून आता घरातील एका स्पर्धकाला घराबाहेर पडावे लागणार आहे. हा घरातून एलिमिनेट होऊन बाहेर पडणारा दुसरा स्पर्धक असेल. बिग बॉसच्या प्रोमोनुसार, सारा, मुस्कान आणि ताजिंदर या तिघांपैकी एक जण बिगबॉसच्या घराला निरोप देणार आहे. कलर्स टीव्हीने प्रोमो शेअर करत त्यावर एलिमिनेशनच्या प्रक्रियेतून होणार आहे बिग बॉसच्या एका सदस्याचा The End असं लिहिलं आहे.
घरातील स्पर्धकांनी कोणाला ठरवले बाद?
बिगबॉसच्या घरातील स्पर्धकांनी मुस्कान, ताजिंदर आणि सारा यांच्यापैकी कोण घरात राहण्यासाठी अपात्र आहे यासाठी कारण सांगत गेट आऊट असं लिहिलेलं स्टिकर त्यांच्या चेहऱ्याला चिटकवलं आहे. यात करणवीरनं मुस्कानला स्टिकर चिटकवत ती कायम तंद्रीत असल्याचं तो म्हणाला. तर चाहतनंही मुस्कानलाच व्होट केल्याचं दिसलं. तिची घरात काहीच भूमिका नसल्याचं ती म्हणाली. अविनाशनं साराला वोट केल्याचं दिसलं. तर विवियनने बग्गाजींना वोट केलं.
नेटकऱ्यांच्या प्रतिक्रीया काय?
या प्रोमोवरून नेटकरीही आपल्या प्रतिक्रीया देत असून अनेकजण मुस्कान घराबाहेर जाणार असल्याचा अंदाज व्यक्त करत आहेत. अनेकांनी मुस्कान घरात दिसत नसल्याची प्रतिक्रीया दिली आहे. अनेकांनी ती अतिशय निरागस असून ती घराबाहेर जाऊ शकते अशी प्रतिक्रिया दिली आहे. तर अनेकांनी मुस्कान आणि बग्गाजी फारसे मनोरंजन करत नसल्याचं म्हणलंय.