Big boss marathi season 5: बिग बॉस मराठीच्या 5व्या सीजनचा नवा प्रोमो आल्यापासून सध्या जोरदार चर्चा सुरू आहे. बिग बॉसच्या फिनालेला आता अवघे काही दिवस राहिलेले असताना बिग बॉसच्या घरात आता दोन प्रसिद्ध अभिनेत्यांची एन्ट्री होणार आहे. कलर्स मराठीनं शेअर केलेल्या प्रीमियरवरून सुबोध भावे आणि आदिनाथ कोठारे सुरज चव्हाण याच्यासोबत त्याच्या स्टाईलमध्ये डायलॉगबाजी करताना दिसतायत. या प्रीमियरवर प्रेक्षकांच्या जोरदार प्रतिक्रिया उमटल्यात. त्यामुळे बिग बॉस चा विजेता कोण असणार याची उत्सुकता सगळ्यांनाच लागून असल्याने बिग बॉसच्या या एपिसोडने सर्वांचे लक्ष लागून राहिले आहे.
अभिनेता सुबोध भावे आणि आदिनाथ कोठारे बिग बॉसच्या घरात गेल्यानं घरातील सर्वांनाच आनंदाचा व आश्चर्याचा धक्का बसला आहे. निर्मात्यांनी प्रसिद्ध केलेला हा प्रमुख मनोरंजनाचा एक डोस असून सुरज स्टाईल झापुक झुपुक डायलॉगबाजी सुरू असल्याचं या प्रीमियरमधून दिसतंय.
लय बेक्कार.. एकाच बुक्कीत.. फुल डायलॉगबाजी
बिग बॉसच्या आजच्या प्रीमियर मध्ये बिग बॉसच्या घरात अभिनेता सुबोध भावे आणि आदिनाथ कोठारे यांचे एन्ट्री होणार आहे. या प्रीमियर मध्ये सुरज स्टाईल डायलॉगबाजी सुरू असून सुबोध भावे आणि आदिनाथ कोठारे लय बेक्कार.. एकाच बुक्कीत गोलीगत.. मी तुझा बाहुबली... अशी सुरज स्टाईल डायलॉगबाजी सुरू असल्याचं दिसतंय.
या प्राेमो प्रेक्षकांच्या भन्नाट प्रतिक्रिया
सोशल मीडियावर शेअर करण्यात आलेल्या या प्रीमियरला प्रेक्षकांच्या भन्नाट प्रतिक्रिया मिळाल्या आहेत. बिग बॉसच्या फिनाले ला अवघे काही दिवस राहिलेले असताना प्रतिक्रियांमध्ये संभाव्य विजेता किंवा विजेती कोण असेल याची फर्मास चर्चा सुरू आहे. बिग बॉसचा विजेता कोण असणार फिनाले ची उत्सुकता वाढली आहे अशा प्रकारच्या प्रतिक्रिया येत आहेत. अनेक जण सुरज विजेता होण्याची अटकळ बांधत आहेत तर अंकितालाही जिंकण्याची संधी असल्याच्या प्रतिक्रिया आल्या आहेत.
कोणता ट्विस्ट येणार? प्रेक्षकांना उत्सूकता
आदिनाथ कोठारे कुर्ता आणि पायजामा अशा सर्व-पांढऱ्या पारंपारीक पोशाखात घरामध्ये उतरले, तर सुबोध भावेने बटणे असलेला शर्ट आणि जीन्समध्ये सहज कपडे घातले होते. प्रोमोच्या कॅप्शनमध्ये असे लिहिले आहे की, “अभिनेते सुबोध भावे आणि आदिनाथ कोठारे घराघरात येणार आहेत. बिग बॉस मराठी, रात्री ९ वाजता, फक्त कलर्स मराठीवर आणि जिओ सिनेमावर मोफत.” साहजिकच चाहत्यांमध्ये उत्साह आहे. घरातील सदस्य आणि प्रेक्षकांच्या प्रतिक्रिया पाहणे मनोरंजक असेल. या एपिसोडमध्ये नक्की काय ट्विस्ट येणार? याची प्रेक्षकांना उत्सूकता आहे.