Dhurandhar 2 Box Office Collection Day 15: रणवीर सिंह (Ranveer Singh), अर्जुन रामपाल (Arjun Rampal), संजय दत्त (Sanjay Dutt) आणि आर. माधवन (R. Madhavan) स्टारर 'धुरंधर 2'नं (Dhurandhar 2) बॉक्स ऑफिस (Box Office Collection) हादरवून सोडलंय. सिनेमाची बॉक्स ऑफिसवरची धुवांधार कमाई सुरूच आहे. अशातच आदित्य धर दिग्दर्शित 'धुरंधर 2'नं बॉक्स ऑफिसवर आपला दुसरा आठवडा पूर्ण केलाय. यासोबतच या 'स्पाय अॅक्शन थ्रिलर' (Spy Action Thriller Movie) सिनेमानं हिंदी सिनेमाच्या इतिहासात दुसऱ्या आठवड्यात सर्वाधिक कमाई करण्याचा रेकॉर्ड आपल्या नावावर केलाय. रिलीजच्या 15व्या दिवशी या सिनेमाला हनुमान जयंतीच्या सुट्टीचाही फायदा झाल्याचं दिसतंय.
'धुरंधर 2'नं पंधराव्या दिवशी बॉक्स ऑफिसवर किती कमावले? (Dhurandhar 2 Box Office Collection Day 15)
'धुरंधर: द रिवेंज' हा सिनेमा 19 मार्च रोजी थिएटरमध्ये प्रदर्शित झाला आणि तेव्हापासून रणवीर सिंहचा हा स्पाय थ्रिलर देश-विदेशातील बॉक्स ऑफिसवर धुमाकूळ घालतोय. आतापर्यंत या सिनेमानं जबरदस्त कलेक्शन केलंय. तसेच, आपल्या कमाईनं अनेक बॉलिवूड सिनेमांना मागे टाकलंय तर, अनेक विक्रमही आपल्या नावावर केलेत. 'धुरंधर 2'नं थिएटरमध्ये नुकतेच आपले दोन आठवडे पूर्ण केलेत. तर पंधराव्या दिवशी म्हणजेच, तिसऱ्या गुरुवारी कमाईत थोडी घट दिसून आलीय. तरीसुद्धा 'धुरंधर 2'चं कलेक्शन धमाकेदारच होतं.
सॅकनिल्कच्या अर्ली ट्रेंड रिपोर्टनुसार, 'धुरंधर 2'नं रिलीजच्या पंधराव्या दिवशी (गुरुवार) सुमारे 17.80 कोटी रुपयांची नेट कलेक्शन केलंय. यासह दुसऱ्या आठवड्यातील एकूण कमाई 263.15 कोटी रुपये झाली आहे, तर पहिल्या आठवड्यात सिनेमानं 674.17 कोटी रुपये कमावले होते.
'धुरंधर 2' दुसऱ्या आठवड्यात सर्वाधिक कमाई करणारा सिनेमा (Dhurandhar 2 Is Highest Grossing Film)
'धुरंधर 2'नं भारतीय बॉक्स ऑफिसवर 263.15 कोटी रुपयांची कमाई केली आहे. यासोबतच या सिनेमानं आपला पहिल्या भाग 'धुरंधर'ला मागे टाकत हिंदी सिनेमात दुसऱ्या आठवड्यात सर्वाधिक कमाई करण्याचा विक्रम प्रस्थापित केलाय.
हिंदी सिनेमामध्ये दुसऱ्या आठवड्यात सर्वाधिक कमाई करणाऱ्या टॉप 5 फिल्म्स (Top 5 Highest Grossing Hindi Films In Second Week)
धुरंधर 2 : 263.15 कोटी धुरंधर : 261.50 कोटी पुष्पा 2 (हिंदी) : 199 कोटी छावा : 186.18 कोटी स्त्री 2 : 145.80 कोटी बाहुबली 2 (हिंदी): 143.25 कोटी
महत्त्वाच्या इतर बातम्या :