Deepika Padukone Concern Over Mumbai Air Quality: बॉलिवूडची (Bollywood News) मस्तानी म्हणजेच, दीपिका पादुकोण (Deepika Padukone) सध्या या ना त्या कारणानं चर्चेत आहे. आधी दीपिकानं गोंडस मुलीला जन्म दिला, त्यानंतर तिला वेळ देता यावा यासाठी तिनं आठ तांसाच्या शिफ्टची मागणी केली. आणि याच मागणीमुळे दीपिका ट्रोल झाली. एवढंच नाहीतर तिला अनेक सिनेमांमधून बाहेरचा रस्ता दाखवण्यात आला. तरीसुद्धा दीपिकानं आपल्या मुद्द्यावरुन पिछेहाट केलेली नाही. मुद्दा कोणताही असो, दीपिका त्यावर आपलं स्पष्ट आणि परखड मत मांडत असते. अशातच सध्या दीपिकाची इन्स्टा स्टोरी चर्चेत आहे. दीपिका पादुकोणनं मुंबईतल्या वाढत्या प्रदुषणावर चिंता व्यक्त करत एक पोस्ट केली आहे. अभिनेत्रीचं म्हणणं आहे की, मुंबईतील हवेची गुणवत्ता खालावल्यामुळे शहरातले रहिवासी आणि लहान मुलांना श्वास घ्यायला मोठ्या अडचणींचा सामना करावा लागत आहे.
दीपिकाची इंस्टा स्टोरी
दीपिका पदुकोणनं आज तिच्या इन्स्टाग्रामवर एक 'स्टोरी' शेअर केली, ज्यामध्ये तिनं मुंबईतील प्रदूषणाच्या समस्येकडे लक्ष वेधलं. तसेच, तिनं महापालिका अधिकाऱ्यांना या प्रकरणात हस्तक्षेप करून योग्य ती कारवाई करण्याची विनंती केली आहे. दरम्यान, गुरुवारी मुंबईतील हवेचा निर्देशांक (AQI) 150 च्या वर गेल्याचं दिसून आलं. हा AQI आरोग्यासाठी हानीकारक असतो.
दीपिकानं मुंबईतील प्रदुषणाच्या पातळीचा एक 'स्क्रीनशॉट' शेअर केला आहे. या फोटोसोबतच, तिनं शहराची महापालिका, अर्थात 'बीएमसी' (BMC) ला टॅग केलंय आणि अधिकाऱ्यांना या प्रकरणाची चौकशी करण्याची विनंती केली आहे. शहराच्या सद्यस्थितीबद्दल चिंता व्यक्त करताना, या अभिनेत्रीनं लिहिलंय की, मुंबईत राहणाली लोक विशेषतः लहान मुलं, हवेची गुणवत्ता खालावत असल्यामुळे गुदमरत आहेत. त्यासोबतच "हे कसं योग्य असू शकतं?", असा प्रश्नही दीपिकानं उपस्थित केला आहे.
दीपिका पादुकोणपूर्वी रिचा चढ्ढा आणि सयामी खेर या अभिनेत्रींनी देखील सोशल मीडियावर पोस्ट करुन मुंबईच्या दिवसेंदिवस खालावणाऱ्या हवेच्या गुणवत्तेवर चिंता व्यक्त केली होती.
दरम्यान, दीपिका पादुकोणच्या वर्कफ्रंटबाबत बोलायचं झालं तर, दीपिका शाहरुख खानच्या आगामी चित्रपटांच्या यादीत 'किंग' (King) सिनेमात झळकणार आहे. या सिनेमात सुहाना खानसह अनेक दिग्गज कलाकारांचा समावेश असलेला एक मोठा ताफा आहे. यामध्ये अभिषेक बच्चन, अनिल कपूर, जॅकी श्रॉफ, अर्शद वारसी, जयदीप अहलावत आणि राणी मुखर्जी यांचा समावेश आहे. याव्यतिरिक्त, ती ॲटली यांच्या एका तेलुगू ॲक्शन चित्रपटाचाही भाग आहे, या प्रोजेक्टमध्ये ती अल्लू अर्जुनसोबत मुख्य भूमिकेत दिसणार आहे.
महत्त्वाच्या इतर बातम्या :