Virat Kohli Dance: विश्वचषक 2023 च्या (World Cup 2023) क्रिकेटर सामन्यामध्ये भारतानं दक्षिण आफ्रिकेचा (South Africa) पराभव केला. किंग कोहलीनं (Virat Kohli) 49 वे शतक ठोकून त्याच्या 35 वा वाढदिवसाचे गिफ्ट चाहत्यांना गिफ्ट दिलं. अशातच विराटचा या सामन्यातील एक खास व्हिडीओ सोशल मीडियावर व्हायरल झाला आहे. या व्हिडीओमध्ये विराट हा जबरदस्त डान्स करताना दिसत आहे.
ICC नं त्यांच्या इन्स्टाग्राम पेजवर एक व्हिडीओ शेअर केला आहे. ज्यामध्ये विराट हा फिल्डिंग करताना 'ऐनवाई, ऐनवाई' या गाण्यावर डान्स करताना दिसत आहे. 'ऐनवाई, ऐनवाई' (Ainvayi Ainvayi) हे गाणं विराटची पत्नी अनुष्का शर्माच्या बँड बाजा बारात (Band Baaja Baaraat) या चित्रपटामधील आहे. विराट कोहलीच्या या डान्सच्या व्हिडीओनं अनेकांचे लक्ष वेधले आहे. विराट हा व्हिडीओमध्ये 'ऐनवाई, ऐनवाई' या गाण्याची हुक स्टेप करताना दिसत आहे.
नेटकऱ्यांच्या कमेंट्स
विराटच्या डान्सच्या व्हिडीओला एका नेटकऱ्यानं कमेंट केली, "जेव्हा तुमचे पालक पाहुण्यांसमोर डान्स करण्यासाठी तुम्हाला फोर्स करतात.", तर दुसऱ्या युझरनं कमेंट केली, "बर्थ-डे बॉयचा भन्नाट डान्स"
पाहा व्हिडीओ:
विराटनं मॅचच्या दरम्यान शाहरुख खानच्या जवान या चित्रपटामधील चलेया या गाण्यावर देखील डान्स केला होता. सोशल मीडियावर व्हायरल झालेल्या व्हिडीओमध्ये विराट हा शाहरुखची आयकॉनिक पोझ करताना दिसत आहे.
विराट कोहलीनं 49 वे शतक ठोकल्यानंतर अनुष्कानं खास पोस्ट इन्स्टाग्रामवर शेअर केली होती. तिनं या पोस्टमध्ये लिहिलं, “स्वतःच्या वाढदिवसाला शतक ठोकत स्वतःला गिफ्ट दिले आहे”.
2017 मध्ये अनुष्कानं विराट कोहलीसोबत लग्नगाठ बांधली. जानेवारी 2021 मध्ये अनुष्कानं मुलीला जन्म दिला. तिचे नाव वामिका असं आहे. विराट आणि अनुष्का ही जोडी गेल्या काही दिवसांपासून त्यांच्या वैयक्तिक आयुष्यामुळे चर्चेत आहे. विराट आणि अनुष्का हे दुसऱ्यांदा आई-बाबा होणार आहे, असं म्हटलं जात आहे. पण याबाबत विरुष्कानं अजुन कोणतीही माहिती दिली नाही.
महत्त्वाच्या इतर बातम्या :