Virat Kohli Birthday: आज टीम इंडियाचा धडाकेबाज फलंदाज विराट कोहलीचा (Virat Kohli) वाढदिवस आहे. किंग कोहलीला सोशल मीडियाच्या माध्यमातून चाहते वाढदिवसाच्या शुभेच्छा देत आहेत. विराटची पत्नी अनुष्का शर्मानं (Anushka Sharma) देखील सोशल मीडियावर एक खास पोस्ट शेअर करुन विराटला शुभोच्छा दिल्या आहेत.
अनुष्कानं विराटचे काही फोटो इन्स्टाग्रामवर शेअर केले आहेत. त्यामधील एका फोटोमध्ये विराटच्या एका विक्रमाचा उल्लेख करण्यात आला आहे. "टी-20 क्रिकेट मॅचमध्ये 0 चेंडूमध्ये विकेट घेणारा विराट कोहली एकमेव क्रिकेटर आहे.", असं त्या फोटोवर लिहिलं आहे. अनुष्कानं विराटचे फोटो सोशल मीडियावर शेअर करुन कॅप्शनमध्ये लिहिलं, "तो त्याच्या आयुष्यातील प्रत्येक भूमिकेत अक्षरशः EXCEPTIONAL आहे! तो त्याच्या शिरपेचात आणखी काही मनाचे तुरे खोवत आहे. मी तुझ्यावर सदैव असेच प्रेम करत राहिन."
अनुष्कानं शेअर केलेल्या या पोस्टवर नेटकऱ्यांनी लाइक्स आणि कमेंट्सचा वर्षाव केला आहे.
2017 मध्ये अनुष्कानं विराट कोहलीसोबत लग्नगाठ बांधली. जानेवारी 2021 मध्ये अनुष्कानं मुलीला जन्म दिला. तिचे नाव वामिका असं आहे. विराट आणि अनुष्का हे एकमेकांसोबतचे रोमँटिक फोटो शेअर करत असतात. तसेच ते वामिकासोबतचे फोटो देखील शेअर करतात. विराट कोहली आणि अभिनेत्री अनुष्का शर्मा ही जोडी गेल्या काही दिवसांपासून त्यांच्या वैयक्तिक आयुष्यामुळे चर्चेत आहे. विराट आणि अनुष्का हे दुसऱ्यांदा आई-बाबा होणार आहे, असं म्हटलं जात आहे. अनुष्का ही दुसऱ्यांदा प्रेग्नंट आहे, अशी चर्चा सध्या सोशल मीडियावर सुरु होती.
काही दिवसांपूर्वी अनुष्का आणि विराट यांना मॅटर्निटी क्लिनिकच्या बाहेर पापाराझींनी स्पॉट केले होते, पण दोघांनीही पापाराझींना फोटो लीक न करण्याची विनंती केली होती. याच कारणामुळे आता विराट आणि अनुष्का यांच्या घरी एका चिमुकल्या पाहुण्याचे आगामन होणार आहे, अशी चर्चा सोशल मीडियावर होऊ लागली. पण याबाबत अजून विराट आणि अनुष्कानं कोणतीही माहिती चाहत्यांना दिलेली नाही.
महत्त्वाच्या इतर बातम्या :