मुंबई: अनुष्का शर्माने सोमवारी मुलीला जन्म दिला. ही खुशखबर विराटने त्या दोघांच्याही चाहत्यांना दिली. त्यांनंतर विराट-अनुष्काचे सर्व स्तरातून अभिनंदन होत असताना विराट कोहलीच्या भावाने, विकास कोहलीने सोशल मीडियावर एक पोस्ट शेअर केली. पण ही पोस्ट शेअर करताना त्याने एक मोठी चूक केली. त्यावर आता त्याला स्पष्टीकरण द्यावं लागलंय.


विराटचा भाऊ विकास कोहलीने सोमवारी इन्स्टाग्राम अकाउंटवर एक फोटो शेअर केला, ज्यामध्ये एका नवजात बालकाचे पाय दिसत आहेत. विकास कोहलीने ही पोस्ट शेअर करताना लिहलं होतं की, "आमच्या घरी एका परीचं आगमन झालंय." हा फोटो विराट-अनुष्काच्या मुलीचा पहिला फोटो असल्याची बातमी माध्यमांत वेगाने पसरली.





त्यानंतर मंगळवारी विकास कोहलीने स्पष्ट केलंय की त्याने जो फोटो शेअर केला होता तो विराट-अनुष्काच्या मुलीचा नसून एक रॅन्डम फोटो आहे. त्याने लिहलंय की, "जो फोटो शेअर करण्यात आला होतो तो ओरिजनल नसून रॅन्डम होता. काही माध्यमांनी या फोटोला ओरिजनल समजले. त्यामुळे मी हे स्पष्टीकरण देत आहे."





जेव्हापासून विराट कोहलीने त्यांच्या मुलीच्या जन्माची बातमी सोशल मीडियाच्या माध्यमातून चाहत्यांना दिली आहे तेव्हापासून त्यांच्या मुलीची पहिली झलक पाहण्यासाठी चाहते आतूर आहेत.


संबंधित बातम्या: