मुंबई : जगभरात लाखो लोक रोज अनेक व्हिडीओ सोशल मीडियावर अपलोड करतात. मात्र त्यातील काही व्हिडीओ कमी वेळात जास्त व्हायरल होतात. अभिनेता शाहरुख खानच्या गाण्यावर आधारित असाच एक व्हायरल व्हिडीओ सोशल मीडियावर धुमाकूळ घालत आहे.
पाच नायजेरिअन मुलांनी हा व्हिडीओ तयार केला आहे. शाहरुखचं सुपरहिट 'भोली सी सूरत' हे गाणं हे पाचही जण गात आहेत. मात्र गाणं गाण्याचा त्यांचा अंदाज हटके आहे आणि हीच त्यांची हटके स्टाईल वेगळी ठरली. त्यामुळेच हा व्हिडीओ लोकांना आवडत आहे.
ट्विटरवर एका युजरने हा व्हिडीओ शेअर केला आहे. व्हिडीओत पाच मुलं दिसत आहेत. यामधील एक मुलगा गाणं गात आहे. तर इतर चार मुलं त्याला सपोर्ट करत आहेत. नायजेरिअम मुलं असून हिंदी गाणं गात आहेत, त्यामुळेच हा व्हिडीओ मोठ्या प्रमाणावर व्हायरल होत आहे.
भोली सी सूरत हे गाण दिल तो पागल है या सिनेमातील आहे. शाहरुख खान, करिश्मा कपूर आणि माधुरी दीक्षित यांच्यावर हे गाणं चित्रित करण्यात आलं आहे. उदित नारायण यांनी हे गाणं गायलं आहे. शाहरुखच्या नायजेरिअन चाहत्यांनी गायलेलं हे गाणं आजही अनेकांच्या पसंतीस उतरत आहे.