Vikram Collection : कमल हासनच्या ‘विक्रम’चा जगभरातील बॉक्स ऑफिसवर धुमाकूळ! कमावले तब्बल ‘इतके’ कोटी...

Vikram Collection : सुपरस्टार कमल हासनचा (Kamal Haasan) 'विक्रम' (Vikram) बॉक्स ऑफिसवर धुमाकूळ घालत आहे. चित्रपटाची कमाई सातत्याने वाढतच आहे.

Vikram Collection : सुपरस्टार कमल हासनचा (Kamal Haasan) 'विक्रम' (Vikram) बॉक्स ऑफिसवर धुमाकूळ घालत आहे. चित्रपटाची कमाई सातत्याने वाढतच आहे. विक्रम हा कमल हासनच्या दीर्घ चित्रपट कारकिर्दीतील सर्वाधिक कमाई करणारा चित्रपट ठरला आहे. रिलीज झाल्यापासून जबरदस्त कलेक्शन करणारा हा चित्रपट लवकरच 400 कोटी क्लबमध्ये प्रवेश करण्याच्या तयारीत आहे. लोकेश कनागराज दिग्दर्शित कमल हासन स्टारर विक्रम हा चित्रपट केवळ भारतातच नाही तर, जगभरात बॉक्स ऑफिसवर चांगली कमाई करत आहे.

रिलीजच्या तिसऱ्या वीकेंडच्या अखेरीस विक्रमने जगभरात 400 कोटींच्या जवळपास कमाई केली आहे. देशांतर्गत बॉक्स ऑफिसवर ‘विक्रम’च्या कमाईबद्दल बोलायचे झाले तर, गेल्या काही दिवसांत चित्रपटाच्या कमाईत तेजी पाहायला मिळत आहे. रिलीजच्या 25व्या दिवशीही हा चित्रपट बॉक्स ऑफिसवर धुमाकूळ घालत आहे.

असाही ‘विक्रम’!

या चित्रपटाने केवळ तामिळनाडूमध्ये 150 कोटींची कमाई केली आहे. हा या चित्रपटाचा एक नवा विक्रम आहे. ‘विक्रम’ चित्रपटाच्या आधी एसएस राजामौली यांच्या 'बाहुबली 2' ने हा पराक्रम केला होता. मूलतः तेलुगूमध्ये बनलेल्या 'बाहुबली 2' ने राज्यात 146 कोटींची कमाई केली होती.

चित्रपट व्यापार विश्लेषक रमेश बाला यांनी ट्विट करत याची माहिती दिली आहे. त्यांनी लिहिले की, 'विक्रम' हा राज्यातील आतापर्यंतचा सर्वाधिक कमाई करणारा चित्रपट ठरला आहे. 'विश्वसम' आणि 'बाहुबली 2'ला मागे टाकून 'विक्रम' लवकरच तामिळनाडूमध्ये सर्वाधिक कमाईचा आकडा पार करून पहिल्या क्रमांकावर पोहोचणार आहे.

बॉक्स ऑफिसवर जबरदस्त कमाई!

रिपोर्ट्सनुसार, 150 कोटींच्या बजेटमध्ये बनलेल्या या चित्रपटाने 11 दिवसांत भारतातील सर्व भारतीय भाषांमध्ये 220.75 कोटींची कमाई केली आहे. त्याच वेळी, या चित्रपटाने आतापर्यंत जगभरात 350 कोटी रुपयांचे एकूण बॉक्स ऑफिस कलेक्शन केले आहे. ‘विक्रम’ हा चित्रपट जगभरात 3200 स्क्रीन्सवर प्रदर्शित झाला. ‘विक्रम’ हा लोकेश कनागराज दिग्दर्शित अॅक्शन ड्रामा चित्रपट आहे. या चित्रपटात विजय सेतुपती, फहाद फासिल, कमल हासन यांच्या प्रमुख भूमिका आहेत. अभिनेता सुर्याचा या चित्रपटात एक कॅमिओ देखील आहे, यात तो ‘रोलेक्स’ची भूमिका करताना दिसला होता.

हेही वाचा :