मुंबई : भारतातून पळालेल्या कर्जबुडव्या विजय मल्ल्याचा मुलगा अभिनेता सिद्धार्थ मल्ल्याचा शानदार विवाहसोहळा पार पडला आहे. अभिनेता सिद्धार्थ मल्ल्याने गर्लफ्रेंड जास्मिनसोबत लग्नगाठ बांधली आहे. या दोघांच्या लग्नाते फोटो सध्या सोशल मीडियावर व्हायरल होत आहेत. उद्योगपती विजय मल्ल्याचा मुलगा अभिनेता-मॉडेल सिद्धार्थ मल्ल्या,  22 जून 2024 रोजी त्याची गर्लफ्रेंड जास्मिनसोबत विवाहबंधनात अडकला आहे. सिद्धार्थने लग्नाच्या फोटोशूटमधील काही फोटो शेअर केले आहेत, ज्यामध्ये दोघे खूपच सुंदर दिसत आहेत. 


कर्जबुडव्या विजय मल्ल्याचा मुलाचा शानदार लग्नसोहळा


सिद्धार्थ मुल्ल्या आणि जास्निन यांची ग्रॅन्ड वेडिंग पार पडली. दोघांनी ख्रिश्चन आणि हिंदू दोन्ही पद्धतीने लग्नगाठ बांधली. 22 जून रोजी सिद्धार्थ आणि जास्मिन यांनी हिंदू धर्माच्या विधींनी सात फेरे घेतले. त्यानंतर दोघांनी 23 जून रोजी ख्रिश्चन पद्धतीने लग्न केलं. या दोन्ही पद्धतीच्या लग्नसोहळ्याचे फोटो सध्या सोशल मीडियावर व्हायरल होत आहे. 


अभिनेता सिद्धार्थ मल्ल्या अडकला विवाहबंधनात


सिद्धार्थ मल्ल्याने त्याची गर्लफ्रेंड जस्मिनसोबत लग्न केलं आहे. सिद्धार्थ आणि जास्मिन एका वर्षाहून अधिक काळ एकमेकांना डेट करत होते. लंडनमध्ये सिद्धार्थचा लग्नसोहळा पार पडला आहे. सिद्धार्थ मल्ल्याचे वडील विजय मल्ल्याच्या हवेली 'लेडीवॉक' येथे हा शानदार विवाहसोहळा पार पडला. अत्यंत मोजक्या लोकांच्या उपस्थित या कार्यक्रमाचं आयोजन करण्यात आलं होतं. 


सिद्धार्थ मल्ल्याच्या लग्नाचे फोटो समोर


वडील विजय मल्ल्याच्या व्यवसायाव्यतिरिक्त सिद्धार्थ मल्ल्याने अनेक क्षेत्रात आपली कारकीर्द घडवली आहे. सिद्धार्थ मल्ल्या एक अभिनेता आणि मॉडेल सुद्धा आहे. शिक्षण पूर्ण केल्यानंतर, सिद्धार्थने डियाजिओ येथे गिनीजसाठी सहाय्यक ब्रँड व्यवस्थापक म्हणून काम केलं. यानंतर सिद्धार्थने रॉयल चॅलेंजर्स बंगळुरू आयपीएल क्रिकेट संघाच्या संचालकाची भूमिका साकारली. 






सिद्धार्थ मल्ल्याचं दीपिका पदुकोणसोबतच्या रिलेशनची चर्चा


सिद्धार्थ मल्ल्याच्या बॉलिवूड अभिनेत्री दीपिका पदुकोणसोबतच्या रिलेशनमध्ये होता नात्याची खूप चर्चा झाली होती. दोघेही काही काळ एकमेकांना डेट करत होते. दोघेही अनेकदा एकमेकांसोबत स्पॉट झाले होते. याशिवाय 2011 मध्ये आयपीएल सामन्यादरम्यान सिद्धार्थने खचाखच भरलेल्या स्टेडियममध्ये दीपिकाला किस केल्याने त्यांचं नातं चर्चेत आलं होतं. मात्र, दोघांनी काही काळाने वेगळं होण्याचा निर्णय घेतला.


सिद्धार्थ मल्ल्याची एकूण संपत्ती किती?


मीडिया रिपोर्ट्सनुसार, 2023 पर्यंत सिद्धार्थ मल्ल्याची एकूण संपत्ती अंदाजे 380 दशलक्ष डॉलर म्हणजे सुमारे 3,175 कोटी रुपये होती. बिझनेस, एंटरटेनमेंट आणि मॉडेलिंग यामधून त्याने ही कमाई केली आहे. मात्र, याबाबतची अधिकृत माहिती नाही.