Bhool Bhulaiyaa 4 Update : दिवाळीमध्ये प्रेक्षकांना बॉक्स ऑफिसवर मनोरंजनाचा धमाका पाहायला मिळाला. कार्तिक आर्यनचा बहुप्रतिक्षित आणि बहुचर्चित भूल भुलैया 3 चित्रपट दिवाळीच्या मुहुर्तावर थिएटरमध्ये दाखल झाला. या चित्रपटाला प्रेक्षकांची चांगली पसंती मिळताना दिसत आहे. भूल भुलैया 3 ने बॉक्स ऑफिसवर चित्रपटाच्या बजेटपेक्षाही जास्त कमाई केली आहे. भूल भुलैया फ्रेंचायझीने तिन्ही चित्रपट बॉक्स ऑफिसवर हिट ठरले. आता भूल भुलैया 3 च्या यशानंतर प्रेक्षकांना भूल भुलैया 4 चं वेड लागलं आहे. यातच आता चाहत्यांसाठी आनंदाची बातमी आहे. अभिनेत्री विद्या बालनने भूल भुलैया 4 चित्रपटाची हिंट दिली आहे.
भूल भुलैया 4 मध्ये पुन्हा दिसणार मंजुलिका?
अभिनेत्री विद्या बालन हिने भूल भुलैया 4 चित्रपटाबाबत मोठी हिंट दिली आहे. विद्या बालन भूल भुलैया 4 चित्रपटामध्ये पुन्हा एकदा मंजुलिका बनवून प्रेक्षकांना हॉरर कॉमेडी तडका दाखवत मनोरंजन करण्याची शक्यता आहे. विद्या बालनने अलिकडेच नेटफ्लिक्सवरील 'द ग्रेट इंडियन कपिल शर्मा शो सीझन 2' मध्ये हजेरी लावली होती. यावेळी तिने भूल भुलैया फ्रेंचायझीच्या आगामी चित्रपटाबाबत सूचक इशारा दिल्याचं म्हटलं जात आहे. भूल भुलैया 4 चित्रपटाचं शुटींग लवकरच सुरु होऊ शकतं, असं म्हणत अभिनेत्रीने हिंट दिली आहे.
अभिनेत्री विद्या बालनने दिली हिंट
अभिनेत्री विद्या बालन हिने भूल भुलैया 4 चित्रपटाबाबत मोठी हिंट दिली आहे. विद्या बालन भूल भुलैया 4 चित्रपटामध्ये पुन्हा एकदा मंजुलिका बनवून प्रेक्षकांना हॉरर कॉमेडी तडका दाखवत मनोरंजन करण्याची शक्यता आहे. विद्या बालनने अलिकडेच नेटफ्लिक्सवरील 'द ग्रेट इंडियन कपिल शर्मा शो सीझन 2' मध्ये हजेरी लावली होती. यावेळी तिने भूल भुलैया फ्रेंचायझीच्या आगामी चित्रपटाबाबत सूचक इशारा दिल्याचं म्हटलं जात आहे. भूल भुलैया 4 चित्रपटाचं शुटींग लवकरच सुरु होऊ शकतं, असं म्हणत अभिनेत्रीने हिंट दिली आहे.
भूल भुलैया 4 ची घोषणा?
नेटफ्लिक्सच्या 'द ग्रेट इंडियन कपिल शर्मा शो सीझन 2' ने भूल भुलैया 3 च्या कलाकारांसोबत आनंदाने साजरी केली. कार्तिक आर्यन, विद्या बालन, तृप्ती डिमरी, राजपाल यादव आणि दिग्दर्शक अनीस बज्मी कपिल शर्माच्या शोमध्ये सहभागी झाले होते. यावेळी कार्तिक आर्यनचे आई-वडीलही प्रेक्षकांमध्ये बसले होते. कपिल शर्माने मंगळवारी शोमधील एक अनसीन क्लिप शेअर केली, जी शोच्या फायनल एपिसोडमध्ये दाखवण्यात आली नव्हती. यामधेच विद्या बालनने हिंट दिली आहे.
व्हिडीओमध्ये कपिल शर्माने विद्या बालनला विचारलं की, तिने तिचा पती सिद्धार्थ रॉय कपूरला पटवण्यासाठी मंजुलिकाचा वापर केला आहे, ज्यावर विद्याने उत्तर दिले, "मला ढोंग करण्याची गरज नाही, मी मंजुलिका आहे. हे माहीत असूनही त्याने माझ्याशी लग्न केले. खरं तर, त्याला पर्याय नव्हता, मी लग्न केलं". कपिलने विद्याला पुढे विचारलं की जिन आल्यावर ती काय इच्छा मागणार आहे, यावर ती म्हणाली, "आम्ही लवकरात लवकर भूल भुलैया 4 ची घोषणा करू. मी अनीस भाईला राजी करण्याचा प्रयत्न करत आहे".
महत्त्वाच्या इतर बातम्या :