Pushpa Part 2 vs Chhava : अभिनेता विकी कौशलचा बहुचर्चित छावा चित्रपटाचा टीझर सध्या चर्चेत आहेत. सोशल मीडियावर छावा चित्रपटाची टीझर व्हायरल होत असून यावर प्रेक्षकांकडून कौतुकाचा वर्षाव होत आहे. छावा चित्रपटात विकी कौशल आणि रश्मिका मंधाना मुख्य भूमिकेत झळकणार आहेत. सोशल मीडियावर सध्या या चित्रपटाच्या टीझरचा व्हिडीओ व्हायरल होत असून त्यामध्ये चित्रपटाची रिलीज डेट जाहीर झाल्याचं सांगण्यात येत आहे.
‘पुष्पा 2' अन् ‘छावा’ची बॉक्स टक्कर
छावा चित्रपटाच्या टीझरची एक क्लिप सध्या सोशल मीडियावर व्हायरल होत आहे. या चित्रपटातील चाहते आतुरतेने वाट पाहत आहेत. या टीझरमध्ये छावा चित्रपट प्रदर्शनाची तारीख जाहिर झाल्याचं सांगण्यात येत आहे. लक्ष्मण उतेकर दिग्दर्शित विकी कौशलचा छावा चित्रपट 6 डिसेंबरला रिलीज होणार असल्याचं सांगण्यात येत आहे. महत्त्वाचं म्हणजे असं झाल्यास छावा चित्रपटाची पुष्पा 2 चित्रपटाची टक्कर होणार आहे.
विकी कौशल आणि अल्लू अर्जून भिडणार
सुपरस्टार अल्लू अर्जुनच्या पुष्पा 2 चित्रपट डिसेंबरमध्ये रिलीज होणार आहे. पुष्पा 2 चित्रपटाच्या प्रदर्शनाची तारीख आधीच जाहीर करण्यात आली आहे. पुप्षा : द रुल (Pushpa: The Rule) चित्रपट 6 डिसेंबर रोजी चित्रपटगृहात दाखल होणार आहे. त्यातच आता छावा चित्रपटाही 6 डिसेंबरलाच रिलीज होणार असल्याचं बोललं जात आहे. त्यामुळे छावा आणि पुष्पा 2 चित्रपटाची बॉक्स ऑफिसवर टक्कर पाहायला मिळणार आहे.
प्रेक्षकांना पुष्पा 2 ची उत्कंठा
अल्लू अर्जुनचा 'पुष्पा: द राइज' हा चित्रपट बॉक्स ऑफिसवर ब्लॉकबस्टर ठरला, त्यानंतर चित्रपटाच्या दुसऱ्या भागाची घोषणा करण्यात आली. सध्या चित्रपटाच्या सीक्वेलचं शूटिंग वेगाने सुरू आहे. या ॲक्शनपॅक चित्रपटात अभिनेता अल्लू अर्जुनसोबत रश्मिका मंदान्ना प्रेमिकेच्या भूमिकेत दिसणार आहे, तर फहद फाजिल खलनायकाच्या भूमिकेत दिसणार आहे. यासोबतच सुनील, राव रमेश, अनुसया भारद्वाज आणि जगदीश हे सहाय्यक भूमिकेत दिसणार आहेत. पुष्पा 2 चित्रपटाची कथा सुकुमार आणि श्रीकांत विसा या दिग्दर्शकांनी लिहिली आहे. 'पुष्पा 2: द रुल' चित्रपट 6 डिसेंबर 2024 रोजी जगभरातील चित्रपटगृहांमध्ये प्रदर्शित होणार आहे.
महत्त्वाच्या इतर बातम्या :