Varun Dhawan: बॉलिवूडमधील प्रसिद्ध अभिनेता वरुण धवनचा (Varun Dhawan) चाहता वर्ग मोठा आहे. वरुणचा भेडीया (Bhediya) हा चित्रपट लवकरच प्रेक्षकांच्या भेटीस येणार आहे. या चित्रपटात वरुणसोबतच अभिनेत्री क्रिती सेनन (Kriti Sanon) देखील प्रमुख भूमिका साकारणार आहे. वरुण आणि क्रिती हे सध्या भेडीया या चित्रपटाचं प्रमोशन करत आहेत. या चित्रपटाचं प्रमोशन करण्यासाठी क्रिती आणि वरुणनं जयपूरमधील एका इव्हेंटमध्ये हजेरी लावली. जयपूरमध्ये आयोजित करण्यात आलेल्या या इव्हेंटमधील एक व्हिडिओ सोशल मीडियावर चांगलाच व्हायरल होत आहे.
वरुण आणि क्रिती हे त्यांच्या 'भेडिया' या आगामी चित्रपटाच्या प्रमोशनसाठी इव्हेंटसाठी जयपूरमधील एका कॉलेजमध्ये पोहोचले होते. कॉलेजमधील विद्यार्थी क्रिती आणि वरुणला पाहण्यासाठी उत्सुक होते. यादरम्यान या इव्हेंटमध्ये एक मुलगी बेशुद्ध पडली. हे पाहून वरुणने मुलीला मदत करण्यासाठी कार्यक्रम थांबवला. एवढेच नाही तर बेशुद्ध मुलीला शुद्धीवर आणण्यासाठी वरुणनं स्वतः स्टेजवरून खाली उतरून तिला पाणी दिले. ही सर्व घटना कॅमेऱ्यात कैद झाली. नुकताच या इव्हेंटमधील हा व्हिडीओ सोशल मीडियावर व्हायरल झाला. या व्हिडीओला कमेंट करुन नेटकरी वरुणचं कौतुक करत आहेत.
पाहा व्हायरल व्हिडीओ:
भेडीया या चित्रपटात वरुण आणि क्रिती यांच्यासोबतच दीपक डोबरियाल, अभिषेक बॅनर्जी आणि पॉलिन कबाक या कलाकारांनी देखील प्रमुख भूमिका साकारली आहे. हा सिनेमा 25 नोव्हेंबरला प्रेक्षकांच्या भेटीला येणार आहे. दिनेश विज्ञान यांनी या सिनेमाची निर्मिती केली आहे. वरुण आणि क्रितीचे चाहते या चित्रपटाची उत्सुकतेने वाट बघत आहेत.
वाचा इतर महत्वाच्या बातम्या: