Varun Dhawan : बॉलिवूड अभिनेता वरुण धवन (Varun Dhawan) सध्या एका व्हिडीओमुळे चर्चेत आहे. नीता मुकेश अंबानी कल्चरल सेंटरच्या उद्धाटनादरम्यान वरुण धवनने हॉलिवूड अभिनेत्री गिगी हदीदला उचलून घेतलं आणि तिच्या गालावर किस केलं. वरुण धवनचा हॉलिवूड अभिनेत्रीला किस करतानाचा व्हिडीओ सध्या सोशल मीडियावर व्हायरल होत आहे. 


व्हायरल व्हिडीओवर वरुण धवनने स्पष्टीकरण दिलं आहे. नीता मुकेश अंबानी कल्चरल सेंटरच्या उद्धाटनादरम्यान राजकीय नेते मंडळी तसेच बॉलिवूडसह हॉलिवूडच्या कलाकारांनी हजेरी लावली होती. हॉलिवूड अभिनेत्री गिगी हदीदही (Gigi Hadid) या कार्यक्रमाला उपस्थित होती. उद्धाटन कार्यक्रमादरम्यान वरुण धवनने एक डान्स सादर केला. डान्स परफॉर्मन्सदरम्यान वरुनने गिगिला हाताला धरुन स्टेजवर आणलं. गिगी मंचावर येताच त्याने तिला उचलून घेतलं आणि तिच्या गालावर किस केलं. 






वरुन धवनचा व्हिडीओ सोशल मीडियावर व्हायरल होत असून नेटकरी त्याला चांगलच ट्रोल करत आहेत. गिगिची परवानगी न घेता तिला करणं नेटकऱ्यांना खटकलं आहे आणि याच कारणाने ते वरुनला ट्रोल करत आहे. वरुनच्या व्हिडीओवर 'हे सगळं करण्याआधी गिगीची परवानगी घेतली होतीस का?', 'तू सेलिब्रिटी असलास तरी गिगी तेथे पाहुणी म्हणून आली होती','गिगीची परवानगी घ्यायला हवी होतीस, 'याच कारणाने भारतात कोणी सेलिब्रिटी येत नाहीत' अशा कमेंट्स करत नेटकऱ्यांनी नाराजी व्यक्त केली आहे. 


वरुन धवनने दिलं स्पष्टीकरण


गिगिला किस करतानाचा व्हिडीओ व्हायरल झाल्यानंतर वरुन धवनने ट्वीट करत त्याची बाजू मांडली आहे. त्याने ट्वीट केलं आहे,"गिगिला मी मंचावर घेऊन येणार आणि किस करणार हे आधीच ठरलं होतं. त्यामुळे कारण माहिती नसताना त्यावर भाष्य करू नका". 






संबंधित बातम्या


Entertainment News Live Updates 02 April : टीव्हीपासून ते बॉलिवूडपर्यंत... मनोरंजन विश्वात काय घडतंय जाणून घ्या एका क्लिकवर!