Tiku Weds Sheru trailer: अभिनेता नवाजुद्दीन सिद्दीकी (Nawazuddin Siddiqui) हा गेल्या काही दिवसांपासून त्याच्या वैयक्तिक आयुष्यामुळे चर्चेत आहे. लवकरच त्याचा 'टिकू वेड्स शेरू' (Tiku Weds Sheru) हा चित्रपट प्रेक्षकांच्या भेटीस येणार आहे. नवाजुद्दीन सिद्दीकीच्या या चित्रपटाचा ट्रेलर प्रेक्षकांच्या भेटीस आला आहे. अभिनेत्री अवनीत कौर ही या चित्रपटातून मोठ्या पडद्यावर पदार्पण करणार आहे. 'टिकू वेड्स शेरू' या चित्रपटाच्या ट्रेलरमध्ये नवाजुद्दीन आणि अवनीत कौर (Avneet Kaur) यांचा एक किसिंग सीन देखील आहे. हा किसिंग सीन पाहिल्यानंतर आता अनेक नेटकरी नवाजुद्दीनवर भडकले आहेत.
नेटकऱ्यांनी नवाजुद्दीन सिद्दीकीला केलं ट्रोल
49 वर्षीय नवाजुद्दीन सिद्दीकीनं 'टिकू वेड्स शेरू' या चित्रपटामध्ये त्याच्यापेक्षा 27 वर्षांनी लहान असलेल्या अवनीत कौरसोबत किसिंग सीन केल्यानं आता नेटकरी भडकले आहेत. 'टिकू वेड्स शेरू' या चित्रपटाच्या ट्रेलरमधील नवाजुद्दीन आणि अवनीत यांचा किसिंग सीन पाहिल्यानंतर काही नेटकऱ्यांनी सोशल मीडियावर नवाजुद्दीन आणि अवनीत यांना ट्रोल करण्यास सुरुवात केली आहे. एका नेटकऱ्यानं ट्वीटमध्ये लिहिलं, अवनीत कौर आणि नवाजुद्दीनचा तो सीन भयानक आहे. त्यांच्या वयातील अंतर 27 वर्षे आहे. उसके बाप की उमर का है ...'
'टिकू वेड्स शेरू' या चित्रपटाची निर्मिती कंगना रानौतने केली असून दिग्दर्शन हे साई कबीर श्रीवास्तव यांनी केले आहे. हा चित्रपट 23 जून रोजी अॅमेझॉन प्राइम या ओटीटी प्लॅटफॉर्मवर रिलीज होणार आहे.
नवाजुद्दीन सिद्दीकीच्या गँग ऑफ वासेपूर, मंटो, ठाकरे, 'बजरंगी भाईजान' या चित्रपटांना आणि सेक्रेड गेम्स या वेब सीरिजला प्रेक्षकांची पसंती मिळाली. नवाजुद्दीनच्या अभिनयाचं अनेक जण कौतुक करतात. आता नवाजुद्दीनच्या 'टिकू वेड्स शेरू' या चित्रपटाची प्रेक्षक उत्सुकतेने वाट बघत आहेत.
वाचा इतर महत्त्वाच्या बातम्या: