Tiger 3 : बॉलिवूडचा भाईजान सलमान खानच्या (Salman Khan) आगामी 'टायगर 3' (Tiger 3) या सिनेमाचा टीझर आऊट झाला आहे. धमाकेदार टीझरने प्रेक्षकांची उत्सुकता वाढली आहे. सलमान पुन्हा एकदा 'टायगर'च्या भूमिकेच्या माध्यमातून प्रेक्षकांचं मनोरंजन करण्यासाठी सज्ज आहे. सलमानच्या 'टायगर 3' या सिनेमाचा टीझर प्रेक्षकांच्या पसंतीस उतरला आहे.
'टायगर 3'च्या टीझरमध्ये सलमान खानचा अॅक्शन मोड पाहायला मिळत आहे. 'टायगर 3' या सिनेमाचा टीझर सिनेनिर्माते यश चोप्रा (Yash Chopra) यांच्या वाढदिवसानिमित्त लॉन्च करण्यात आला आहे. 'टायगर 3'च्या टीझरमध्ये भाईजानने एक संदेशही दिला आहे. 'टायगर 3'च्या प्रमोशनला आता सुरुवात झाली आहे. 'टायगर 3' या सिनेमात सलमान खान अविनाश राठोरच्या भूमिकेत दिसणार आहे. पण टायगर या नावाने तो ओळखला जातो.
अंगावर शहारे आणणारा 'टायगर 3'चा टीझर! (Tiger 3 Teaser Out)
'टायगर 3' हा सिनेमा खूपच दमदार असणार असल्याचा अंदाज टीझरवरुन येत आहे. टीझरमध्ये सलमान आणि कतरिना स्क्रीन शेअर करताना दिसत नाहीत. टीझरच्या सुरुवातीलाच सलमान खान म्हणत आहे,"माझं नाव अविनाश सिंह राठोड..पण तुम्ही मंडळी मला टायगर म्हणून ओळखता. 20 वर्ष देशाची सेवा केली. पण त्या बदल्यात मला काहीच मिळालेलं नाही. टायगर तुमचा शत्रू आहे असं तुम्हाला सांगितलं जात आहे. टायगर गद्दार आहे. गद्दार होतो की देशभक्त हे मी माझ्या मुलाला सांगणार नाही. जिंदा रहा तो आपकी खिदमत में फिर हाजिर नहीं तो जयहिंद...". 1 मिनिट 43 सेकंदाचा हा टीझर अंगावर शहारे आणणारा आहे.
सलमानने शेअर केला 'टायगर 3'चा टीझर (Salman Khan Shared Tiger 3 Teaser)
सलमान खानने 'टायगर 3' या सिनेमाचा टीझर सोशल मीडियावर शेअर केला आहे. टीझर शेअर करत त्याने लिहिलं आहे,"जब तक टायगर मरा नहीं, तब तक टायगर हरा नहीं...टायगर का मेसेज. येत्या दिवाळीत 'टायगर 3' हा सिनेमा प्रेक्षकांच्या भेटीला येणार आहे. हिंदी, तामिळ आणि तेलुगू भाषेत सिनेमा प्रदर्शित होणार आहे.
'टायगर 3' या सिनेमात सलमान खान आणि कतरिना कैफ (Katrina Kaif) मुख्य भूमिकेत आहेत. तर इमरान हाशमी या सिनेमात नकारात्मक भूमिकेत दिसणार आहेत. 'टायगर 3' या सिनेमात प्रेक्षकांना मनोरंजनाची मेजवानी मिळणार आहे.
संबंधित बातम्या