Tiger 3 Fans Reaction : बॉलिवूडचा भाईजान सलमान खान (Salman Khan) हा सध्या त्याच्या 'टायगर 3' (Tiger 3) या आगामी चित्रपटामुळे चर्चेत आहे. नुकताच सलमाननं या चित्रपटाचा टीझर सोशल मीडियावर शेअर केला आहे. या टीझरमधील सलमानचा लूक, डायलॉग या गोष्टींनी प्रेक्षकांचे लक्ष वेधले आहे. सध्या सलमानचे चाहते ट्विटरवर टायगर-3 या चित्रपटाचं कौतुक करत आहेत.
सलमानच्या टायगर-3 या चित्रपटाचा टीझर पाहिल्यानंतर नेटकऱ्यांनी ट्विटरवर ट्वीट शेअर करुन या टीझरचं कौतुक केलं आहे. एका नेटकऱ्यानं ट्वीटमध्ये लिहिलं, "द ओरिजनल स्पाय टायगर यंदा दिवाळीला येत आहे. तो बॉक्स ऑफिसचे सर्व रेकॉर्ड्स तोडणार"
"अंगावर शहारे आले! थिएटर निश्चितपणे स्टेडियमसारखे होईल" असंही ट्वीट एका युझरनं शेअर केलं.
"बाप रे बाप! हे पाहून मी वेडा झालो आहे कारण टायगर 3 चा टीझर अप टू द मार्क, मन मोहून टाकणारा आणि अविश्वसनीय आहे. या दिवाळीला सलमान खान सर्व विक्रम मोडीत काढले." असं एका नेटकऱ्यानं ट्वीटमध्ये लिहिलं आहे.
टायगर 3 या चित्रपटामध्ये सलमान खानसोबतच कतरिना कैफ, रिद्धी डोगरा, आशुतोष राणा, इमरान हाश्मी हे कलाकार प्रमुख भूमिका साकारणार आहेत. हा चित्रपट यंदा दिवळीला रिलीज होणार आहे. हिंदी, तामिळ आणि तेलुगू या भाषांमध्ये हा चित्रपट प्रदर्शित होणार आहे.
सलमानचा 'एक था टायगर' हा चित्रपट 2012मध्ये रिलीज झाला होता. त्यानंतर 2017 मध्ये 'टायगर जिंदा है' रिलीज झाला होता. आता
सलमानच्या टायगर-3 या चित्रपटाची प्रेक्षक उत्सुकतेने वाट बघत आहेत.
सलमानच्या मैने प्यार किया, दबंग, बजरंगी भाईजान या चित्रपटांना प्रेक्षकांची विशेष पसंती मिळाली. आता सलमानचा टायगर 3 हा चित्रपट बॉक्स ऑफिसवर किती कमाई करणार याकडे अनेकांचे लक्ष लागले आहे.
इतर महत्वाच्या बातम्या: