Tiger 3 Advance Booking Day 1: अभिनेता सलमान खान (Salman Khan) आणि अभिनेत्री कतरिना कैफ (Katrina Kaif) यांचा टायगर- 3 (Tiger 3 ) हा चित्रपट मोस्ट अवेटेड चित्रपटांपैकी एक आहे. टायगर- 3 या चित्रपटात प्रेक्षकांना टायगर आणि जोया यांची केमिस्ट्री पुन्हा पाहता येणार आहे. टायगर- 3 या चित्रपटाच्या अॅडव्हान्स बुकिंगला सुरुवात झाली आहे. अॅडव्हान्स बुकिंगच्या पहिल्या दिवशी टायगर-3 या चित्रपटानं किती कमाई केली? याबाबत जाणून घेऊयात...
तरण आदर्शनं पोस्ट शेअर करुन टायगर-3 या चित्रपटाच्या अॅडव्हान्स बुकिंगची माहिती दिली आहे. तरण आदर्श यांच्या सोशल मीडियावरील पोस्टनुसार, नॅशनल चेन्सवर दुपारी 3 वाजेपर्यंतच्या अॅडव्हान्स बुकिंगची माहिती- पहिला दिवस (रविवार)
PVRInox: 37,000
Cinepolis: 7,500
44,500- तिकिटांची विक्री
Sacnilk च्या रिपोर्टनुसार, टायगर 3 या चित्रपटाची 140000 पेक्षा जास्त तिकिटे विकली गेली असून सुरुवातीच्या दिवसासाठी अॅडन्हान्स बुकिंगमध्ये ₹4.2 कोटी कमावले आहेत.
चित्रपट समीक्षक सुमित कंडेल यांनी शेअर केलेल्या पोस्टनुसार टायगर 3 पहिल्या दिवशी 40 कोटी किंवा त्याहून अधिक कमाई करू शकतो.
'टायगर 3' कधी होणार रिलीज?
'टायगर 3' या चित्रपटात इमरान हाश्मी, सलमान खान आणि कतरिना कैफ हे कलाकार प्रमुख भूमिका साकारणार आहेत. 'टायगर 3' हा चित्रपट यंदा दिवाळीला 12 नोव्हेंबर रोजी थिएटरमध्ये येणार आहे. हा चित्रपट हिंदी, तमिळ आणि तेलुगु भाषेत प्रदर्शित होणार आहे.
'एक था टायगर', 'टायगर जिंदा है', 'वार' आणि 'पठाण' या चित्रपटानंतर आता YRF च्या स्पाय युनिव्हर्समधील 'टायगर 3' हा पाचवा चित्रपट प्रेक्षकांच्या भेटीस येण्यास सज्ज झाला आहे.सलमानच्या या चित्रपटाची प्रेक्षक उत्सुकतेने वाट बघत आहेत.
संबंधित बातम्या: