Thor Love And Thunder On OTT Release : हॉलिवूड सुपरस्टार क्रिस हेम्सवर्थ (Chris Hemsworth) गेल्या काही दिवसांपासून 'थोर लव्ह अॅन्ड थंडर' (Thor Love And Thunder) या सिनेमामुळे चर्चेत आहे. या सिनेमाने बॉक्स ऑफिसवर चांगलाच गल्ला जमवला आहे. आता सिनेमागृहात धुमाकूळ घातल्यानंतर हा सिनेमा ओटीटी प्लॅटफॉर्मवर रिलीज होणार आहे.
डिज्नी प्लस हॉटस्टारवर होणार रिलीज
'थोर लव्ह अॅन्ड थंडर' हा हॉलिवूड सिनेमा प्रेक्षकांच्या पसंतीस उतरला होता. भारतात या सिनेमाने चांगलाच गल्ला जमवला आहे. भारतात क्रिस हेम्सवर्थचा मोठा चाहतावर्ग आहे. त्यामुळे भारतातील क्रिसच्या चाहत्यांच्या 'थोर लव्ह अॅन्ड थंडर' हा सिनेमा पसंतीस उतरला आहे. आता हा सिनेमा डिज्नी प्लस हॉटस्टार या ओटीटी प्लॅटफॉर्मवर रिलीज होणार आहे.
'थोर लव्ह अॅन्ड थंडर' हा सिनेमा डिज्नी प्लस हॉटस्टार या ओटीटी प्लॅटफॉर्मवर 8 सप्टेंबरला प्रदर्शित होणार आहे. डिज्नी प्लस हॉटस्टारवर प्रेक्षक हा सिनेमा हिंदी, तेलुगू, मल्याळम, कन्नड आणि इंग्रजी भाषेत पाहू शकतात.
'थोर लव्ह अॅन्ड थंडर'चा बॉक्स ऑफिसवर जलवा
'थोर लव्ह अॅन्ड थंडर' या सिनेमाने सिनेमागृहात चांगलाच धुमाकूळ घातला होता. या सिनेमाने रिलीजच्या पहिल्या वीकेंडला 60 कोटींची कमाई केली होती. या सिनेमाने जगभरात अनेक रेकॉर्ड केले आहेत. जगभरात या सिनेमाने 699 मिलियन डॉलरची कमाई केली आहे. 7 जुलैला हा सिनेमा सिनेमागृहात प्रदर्शित झाला होता. भारतात या सिनेमाने बॉक्स ऑफिसवर 100 कोटींची कमाई केली आहे.
संबंधित बातम्या