Swarajya rakshak Sambhaji : 'स्वराज्यरक्षक संभाजी' (Swarajya rakshak Sambhaji) ही मालिका आता सिनेमाद्वारे प्रेक्षकांच्या भेटीला येणार आहे. छोट्या पडद्यावर ही मालिका प्रचंड गाजली होती. त्यामुळे आता सिनेमासाठी प्रेक्षक उत्सुक आहेत.
'स्वराज्यरक्षक संभाजी' या मालिकेने अनेक रेकॉर्ड मोडले आहेत. छत्रपती संभाजी महाराज यांच्या जीवनावर ही मालिका आधारित होती. मालिकेत अमोल कोल्हे यांनी छत्रपती संभाजी महाराज यांची प्रमुख भूमिका साकारली होती. आता 'स्वराज्यरक्षक संभाजी' या सिनेमाचा पहिला भाग प्रेक्षकांना 1 मे रविवारी दुपारी 12 वाजता प्रेक्षकांना पाहायला मिळणार आहे.
'स्वराज्यरक्षक संभाजी' ही मालिका चांगलीच लोकप्रिय होती. या मालिकेला प्रेक्षकांचा उत्तम प्रतिसाद मिळाल्याने प्रेक्षकांना ही मालिका चित्रपट रुपात पाहता येणार आहे. प्रेक्षक या सिनेमाची आतुरतेने वाट पाहत आहेत. छत्रपती संभाजी महाराजांची शौर्यगाथा या सिनेमात दाखवण्यात येणार आहे.
संबंधित बातम्या