Telugu Choreographer Chaitanya Died: तेलुगू कोरिओग्राफर चैतन्यने (Choreographer Chaitanya) रविवारी (30 एप्रिल) आत्महत्या केली. चैतन्यनं आत्महत्या करण्यापूर्वी एक इमोशनल व्हिडीओ सोशल मीडियावर शेअर केला होता. या व्हिडीओमध्ये त्यानं सांगितलं होतं की, तो कर्ज फेडण्यास सक्षम नसल्यामुळे गळफास घेऊन आत्महत्या करत आहे.
दिवंगत कोरिओग्राफर चैतन्य हा लोकप्रिय तेलुगू डान्स शोमध्ये दिसला होता. एका रिपोर्टनुसार, आत्महत्या करण्यापूर्वी चैतन्यने त्याच्या सोशल मीडिया हँडलवर एक व्हिडिओ शेअर केला होता. व्हिडीओमध्ये त्याने खुलासा केला होता की, तो कर्ज फेडण्यास सक्षम नाही. कर्जाचा दबाव सहन करण्यास सक्षम नसल्याचे तो आत्महत्या करत आहे.
पुढे व्हिडीओमध्ये चैतन्य म्हणाला होता, 'माझी आई, वडील आणि बहिणीने माझी खूप काळजी घेतली. त्यांनी माझ्यापर्यंत कधीही कोणतीही अडचण येऊ दिली नाही. मी माझ्या सर्व मित्रांची मनापासून माफी मागतो. मी अनेकांना नाराज केले आहे. मी सर्वांची माफी मागतो. केवळ कर्ज घेण्यास सक्षम नसून ते फेडण्याची क्षमताही असली पाहिजे. पण मी ते करू शकलो नाही. सध्या मी नेल्लोरमध्ये आहे आणि हा माझा शेवटचा दिवस आहे. मी माझ्या कर्जाचा त्रास सहन करू शकत नाही.'
चाहत्यांनी सोशल मीडियावर व्यक्त केला शोक
चैतन्यच्या मृत्यूनंतर त्याच्या चाहत्यांनी सोशल मीडियावर पोस्ट शेअर करत शोक व्यक्त केला आहे.
महत्वाच्या इतर बातम्या :