Tamannaah Bhatia On Diamond Ring: अभिनेत्री तमन्ना भाटियाने (Tamannaah Bhatia) दाक्षिणात्य चित्रपटसृष्टीमध्ये आणि बॉलिवूडमध्ये आपल्या अभिनयाने विशेष ओळख निर्माण केली आहे. तमन्ना भाटिया ही गेल्या काही दिवसांपासून तिच्या वैयक्तिक आयुष्यामुळे देखील चर्चेत आहे. काही दिवसांपूर्वी तिचा डायमंड रिंग फ्लाँट करतानाचा फोटो व्हायरल झाला होता. त्यानंतर सोशल मीडियावर अशी चर्चा सुरु झाली की, तमन्नाकडे जगातील 5 व्या क्रमांकाचा सर्वात मोठा हिरा आहे, ज्याची किंमत 2 कोटी रुपये आहे. राम चरणची पत्नी उपासना कोनिडेला हिने हा हिरा तमन्नाला भेट म्हणून दिला आहे, असंही सोशल मीडियावर म्हटलं जात होत.आता तमन्नानं या डायमंड रिंगसोबतच्या व्हायरल फोटोमागील सत्य सांगितलं आहे.
तमन्नाने नुकताच इन्स्टाग्राम स्टोरीजवर तिचा हिऱ्याच्या अंगठीसोबतचा व्हायरल झालेला फोटो पोस्ट केला. हा फोटो शेअर करुन तमन्नाने कॅप्शनमध्ये लिहिले की, "तुम्हाला हे सांगू इच्छिते की,आम्ही बॉटल ओपनरसोबत फोटोशूट करत होतो, खऱ्या डायमंडसोबत नाही."
2019 मध्ये उपासनाने तमन्ना भाटियाचा हा मोठ्या डायमंड रिंगसोबतचा फोटो सोशल मीडियावर शेअर केला होता. या उपासनाने कॅप्शन दिलं, "निर्मात्याकडून सुपर तमन्नासाठी एक भेट." त्यामुळे चार वर्षानंतर तमन्नाला उपासनानेही रिंग भेट म्हणून दिली आहे, अशी चर्चा सोशल मीडियावर सुरु झाली. तमन्नानं तिच्या या व्हायरल फोटोमागील सत्य सांगितलं आहे.
तमन्नाचे आगामी चित्रपट
गेल्या काही दिवसांपासून तमन्ना ही तिच्या 'जी कर्दा' आणि 'लस्ट स्टोरीज 2' या वेब शोमधील इंटिमेट सीनमुळे चर्चेत आहे. यामधील लस्ट स्टोरीज-2 या चित्रपटात आर बाल्की, सुजॉय घोष, अमित रविंदरनाथ शर्मा आणि कोंकणा सेन शर्मा या चार दिग्दर्शकांनी दिग्दर्शित केलेल्या कथा दाखवण्यात आली आहे. 'लस्ट स्टोरीज 2' या वेब सीरिजमधील अभिनेता विजय वर्मा आणि तमन्नाच्या डेटिंगची चर्चा देखील सोशल मीडियावर होत आहे. तमन्ना ही लवकरच रजनीकांत यांच्या 'जेलर' चित्रपटामधून प्रेक्षकांच्या भेटीस येणार आहे. या चित्रपटामधील 'कावाला' गाणं रिलीज झालं आहे. या गाण्यातील तमन्नाच्या डान्सनं प्रेक्षकांची मनं जिंकली आहेत.
वाचा इतर महत्वाच्या बातम्या: