Swara Bhaskar On Vivek Agnihotri : विवेक अग्निहोत्री (Vivek Agnihotri) गेल्या काही दिवसांपासून 'द कश्मीर फाइल्स' (The Kashmir Files) या सिनेमामुळे चर्चेत आहेत. हा सिनेमा काही सिनेप्रेमींच्या पसंतीस उतरला तर काही मंडळींनी मात्र या सिनेमाला विरोध दर्शवला. आता विवेक अग्निहोत्रींवर टीका केली जात आहे. एका पत्रकाराला अपशब्द वापरल्याने त्यांना प्रचंड ट्रोल केलं जात आहे. दरम्यान आता वादग्रस्त वक्तव्यामुळे चर्चेत असणाऱ्या स्वरा भास्करनेदेखील (Swara Bhaskar) विवेक अग्निहोत्रींवर निशाणा साधला आहे.
स्वरा भास्करने ट्वीट करत विवेक अग्निहोत्रींवर निशाणा साधला आहे. तिने लिहिलं आहे,"विवेक अग्निहोत्रीला असभ्य भाषेचा वापर करणं, मुस्लिम नागरिकांवर ते मुस्लिम असल्यामुळे वेगवेगळे आरोप करणं हे विवेक अग्निहोत्रीला चांगल्याप्रकारे जमतं. स्वत:ला नव्या भारत म्हणवणारा माणूस किती कट्टर आहे".
नेमकं प्रकरण काय?
विवेक अग्निहोत्री आणि मोहम्द जुबैर या पत्रकारामध्ये मतभेद झाले होते. त्यानंतर या प्रकरणावर स्वरा भास्करची प्रतिक्रिया समोर आली आहे. विवेक अग्निहोत्री आणि मोहम्मद जुबैर यांच्यात 'द काश्मीर फाइल्स' या सिनेमावरुन वाद सुरू झाला होता. विवेक अग्निहोत्री यांना नुकताच 'द कश्मीर फाइल्स' या सिनेमासाठी दादासाहेब फाळके पुरस्काराने सन्मानित करण्यात आलं आहे. दरम्यान जुबैरने विवेक अग्निहोत्री यांच्यावर टीका करत 'द कश्मीर फाइल्स' हा सिनेमा दादासाहेब फाळके पुरस्कारासाठी कसा पात्र नाही यावर भाष्य केलं आहे.
मोहम्मद जुबैरच्या वक्तव्यावर विवेक अग्निहोत्री म्हणाले,"कोणीही येतं आणि काहीही बोलतं. प्रत्येकाचे दिवस येतात". विवेक अग्निहोत्रींच्या या ट्वीटवर नेटकऱ्यांनी त्याला प्रचंड ट्रोल केलं आहे. अभिनेत्री स्वरा भास्कर नुकतीच फहाद झिरार अहमदसोबत (Fahad Zirar Ahmad) लग्नबंधनात अडकली आहे.
संबंधित बातम्या