Bharat Jodo Yatra: काँग्रेसचे (Congress) नेते राहुल गांधी यांची (Rahul Gandhi) भारत जोडो यात्रा ही मध्य प्रदेशातील (Madhya Pradesh) उज्जैन (Ujjain) येथे पोहोचली आहे. भारत जोडो यात्रेला 83 दिवस पूर्ण झाले आहेत. भारत जोडो यात्रेमध्ये (Bharat Jodo Yatra) अनेक सेलिब्रिटी सहभागी झाले. आता बॉलिवूडमधील प्रसिद्ध अभिनेत्री स्वरा भास्कर (Swara Bhaskar) ही देखील आज (1 डिसेंबर) भारत जोडो यात्रेमध्ये सहभागी झाली आहे. काँग्रेसच्या ट्वीटर अकाऊंटवरुन स्वराचा भारज जोडो यात्रेतील फोटो शेअर करण्यात आला आहे.
उत्तराखंडचे माजी मुख्यमंत्री हरीश रावत आणि स्वरा भास्कर हे आज (1 डिसेंबर) राहुल गांधी यांच्या भारत जोडो यात्रेत सामील झाले. काँग्रेसच्या ट्वीटर अकाऊंटवरुन स्वराचा फोटो शेअर करण्यात आला. या फोटोमध्ये स्वरा आणि राहुल गांधी दिसत आहेत. फोटोला दिलेल्या कॅप्शनमध्ये लिहिण्यात आलं, 'अंधारातून प्रकाशाकडे आपण चालत असतो, समस्यांपासून ते उपायांकडे आम्ही पुढे जात आहोत! आज या ऐतिहासिक यात्रेमध्ये स्वरा भास्कर सहभागी झाली.'
गुजारिश, तनू वेड्स मनू, रांझणा, विरे दी वेडींग, तनू वेड्स मनू रिटर्न्स, प्रेम रतन धन पायो, नील बट्टे सन्नाटा या चित्रपटांमधून स्वरा प्रेक्षकांच्या भेटीस आली. स्वरा तिच्या अभिनयानं नेहमीच प्रेक्षकांची मनं जिंकते. स्वराच्या आगामी चित्रपटाची तिचे चाहते उत्सुकतेने वाट बघत असतात. स्वरा तिच्या सोशल मीडियावरील पोस्टमुळे चर्चेत असते.
या सेलिब्रिटींनी घेतला भारत जोडो यात्रेत सहभाग
मनोरंजन क्षेत्रातील अनेक कलाकार हे भारत जोडो यात्रेत सहभागी झाले. पूजा भट, रश्मी देसाई, अमोल पालेकर, रिया सेन, आकांक्षा पुरी, सुशांत सिंह आणि मोना आंबेगावकर या कलाकारांनी सहभाग घेतला. या सेलिब्रिटींचे सोशल मीडियावर व्हायरल झाले होते. काही नेटकऱ्यांनी या सेलिब्रिटींना ट्रोल केलं आहे तर काहींनी या सेलिब्रिटींना पाठिंबा दिला.
वाचा इतर महत्वाच्या बातम्या: