Sushant Singh Rajput Net Worth : दिवंगत अभिनेता सुशांत सिंह राजपूतची (Sushant Singh Rajput) 14 जूनला दुसरी पुण्यतिथी आहे. सुशांत आज या जगात नसला तरी त्याच्या आठवणी चाहते कधीच विसरू शकत नाहीत. सुशांत सिंह राजपूतने केवळ बॉलिवूडमध्येच नाही तर छोट्या पडद्यावरही खूप नाव कमावले आहे. सुशांत सिंह राजपूत लक्झरी लाईफ जगत होता.
आलिशान गाड्यांची आवड
रिपोर्टनुसार, सुशांत सिंह राजपूत जवळजवळ 59 कोटींचा मालक होता. यासोबतच त्याच्याकडे अनेक आलिशान गाड्या होत्या. बीएमडब्ल्यू के 1300 आर मोटारसायकल, Maserati Quattroporte आणि लॅंड रोवर रेंज रोवर एसयूवी सारख्या आलिशान गाड्या सुशांतकडे होत्या. एका सिनेमासाठी सुशांत 5 ते 7 कोटींचे मानधन घ्यायचा.
'पवित्र रिश्ता' मालिकेने मिळाली लोकप्रियता
सुशांत सिंह राजपूतला एकता कपूरच्या 'पवित्र रिश्ता' या मालिकेच्या माध्यमातून घरोघरी ओळख मिळाली. 2013 मध्ये त्याने बॉलिवूडमध्ये पाऊल ठेवले. 'काय पो छे'(Kai Po Chhe) हा त्याचा पहिला सिनेमा होता. सुशांत सिंह राजपूतच्या निधनाने संपूर्ण जगाला धक्का बसला होता. तर सिनेसृष्टीदेखील हादरली होती.
सुशांत सिंह राजपूतने छोट्या पडद्याच्या माध्यमातून अभिनय क्षेत्रात पदार्पण केले. 'किस देश मे है मेरा दिल' या स्टार प्लसवरील मालिकेत 2008 साली सुशांत पहिल्यांदा अभिनेता म्हणून झळकला होता. त्यानंतर 'पवित्र रिश्ता'मधील त्याच्या अभिनयाची खूप प्रशंसा झाली. 2009 ते 2011 पर्यंत ही मालिका सुरू होती. या मालिकेतील अभिनयासाठी त्याला अनेक पुरस्कारही मिळाले होते.
2013 साली 'काय पो चे' या सिनेमाच्या माध्यमातून सुशांत सिंह राजपूतने बॉलिवूडमध्ये एन्ट्री केली. या सिनेमासाठी त्याला फिल्मफेअरचं सर्वोत्कृष्ट डेब्यू अभिनेत्याचं नॉमिनेशनही मिळालं होतं. त्यानंतर 'शुद्ध देसी रोमान्स' या सिनेमात सुशांत झळकला होता. या सिनेमात सुशांतसिंहसोबत परिनिती चोप्राही होती.
संबंधित बातम्या