Suniel Shetty on KL Rahul: काही महिन्यांपूर्वी अभिनेता सुनील शेट्टीची (Suniel Shetty) मुलगी अभिनेत्री अथिया शेट्टी (Athiya Shetty) आणि क्रिकेटपटू केएल राहुल (KL Rahul) यांचा विवाह सोहळा पार पडला. सुनील शेट्टी हा त्याचा जावई केएल राहुलबद्दल अनेक मुलाखतींमध्ये बोलत असतो. नुकत्याच एका मुलाखतीमध्ये केएल राहुलच्या क्रिकेट मॅचमधील परफॉर्मन्सबद्दल सुनील शेट्टीला विचारण्यात आलं. यावेळी सुनीलनं दिलेल्या उत्तरानं अनेकांचे लक्ष वेधलं.
सिद्धार्थ कन्ननला दिलेल्या मुलाखतीमध्ये सुनील शेट्टीला केएल राहुलच्या क्रिकेटच्या मैदानावरील परफॉर्मन्सबाबत विचारण्यात आलं. यावेळी सुनील म्हणाला, 'जेव्हा केएल राहुल मॅचमध्ये जास्त रन करू शकत नाही, तेव्हा आम्ही त्याच्या अपयशबाबत किंवा खराब परफॉर्मन्सबाबत चर्चा करत नाही. तो एक फायटर आहे. हे आपल्या सर्वांना चांगलेच माहीत आहे. अशा परिस्थितीत आम्ही जगभरातील इतर गोष्टींबद्दल गप्पा मारतो, जेणेकरून तो खराब परफॉर्मन्स विसरुन जाईल. मी केएल राहुलला क्रिकेट कसे खेळायचे हे शिकवू शकत नाही. तो देशासाठी खेळत आहे.'
'मी त्याला कठीण काळातून जाताना पाहतो, पण त्याच्यात कठोर परिश्रम करण्याची क्षमता आहे. मी त्याच्याशी काय बोलणार? या सर्व गोष्टींवर त्याची बॅट बोलेल. बाकीच्या गोष्टींबद्दल बोलून उपयोग नाही.' असंही मुलाखतीमध्ये सुनीलनं सांगितलं.
अथिया आणि केएल राहुल हे जानेवारी महिन्यात 100 पाहुण्यांच्या उपस्थितीत लग्नबंधनात अडकले आहेत. सुनील शेट्टीच्या (Suniel Shetty) खंडाळ्यातील फार्महाऊसवर दाक्षिणात्य पद्धतीने केएल राहुल आणि अथिया शेट्टी यांनी लग्न केलं आहे. लग्नसोहळ्यासाठी अथियानं खास लूक केला होता. अथियानं विवाह सोहळ्यात पिंक लेहंगा परिधान केला होता. तसेच तिनं स्टोनचा चोकर नेकलेस, बिंदी, झुमके आणि बांगड्या या ज्वेलरी लग्नात परिधान केल्या होत्या. अथियाचा हा लेहंगा अनामिका खन्ना यांनी डिझाइन केला होता. अथियाच्या लग्नातील लूकनं अनेकांचे लक्ष वेधले होते.
सुनील शेट्टीची मुलगी अथियाने 2015 मध्ये अॅक्शन फिल्म 'हिरो' मधून बॉलिवूमध्ये पदार्पण केले होते. ‘मुबारकान’, ‘नवाबजादे’ आणि ‘मोतीचूर चकनाचूर’ या चित्रपटांमध्ये आथियाने महत्वाची भूमिका साकारली आहे. अथियाचा चाहता वर्ग मोठा आहे.
वाचा इतर महत्वाच्या बातम्या: