Dahaad Teaser Release: बॉलिवूडमधील प्रसिद्ध अभिनेत्री सोनाक्षी सिन्हा (Sonakshi Sinha) ही तिच्या अभिनयानं प्रेक्षकांची मनं जिंकते. सोनाक्षीनं सलमान खानच्या दबंग या चित्रपटातून बॉलिवूडमध्ये पदार्पण केलं. या चित्रपटामधील सोनाक्षीच्या अभिनयाचं अनेकांनी कौतुक केलं. आता सोनाक्षी ही ओटीटी प्लॅटफॉर्मवर पदार्पण करत आहे तिची दहाड ही सीरिज लवकरच प्रेक्षकांच्या भेटीस येणार आहे. या सीरिजचा टीझर रिलीज झाला आहे.
प्राइम व्हिडिओ या ओटीटी प्लॅटफॉर्मनं त्यांच्या 'दहाड' या आगामी वेब सीरिजचा दमदार टीझर सोशल मीडियावर शेअर केला आहे. ही सीरिज 8 एपिसोडची आहे. टीझरची सुरुवात 27 महिलांच्या खुनाच्या रहस्याने होते. या खुनांची ना कोणी तक्रार दाखल केली आहे, ना कोणी साक्षीदार आहे. टीझरमध्ये सोनाक्षी सिन्हा ही पोलीस अधिकाऱ्याच्या भूमिकेत दिसत आहे. सोनाक्षीनं सोनाक्षीनं या सीरिजमध्ये अंजली भाटिया ही भूमिका साकारली आहे. अंजलीनं 27 महिलांची मर्डर मिस्ट्री सोडवण्याचं टास्क हाती घेतलं आहे, असं टीझरमध्ये दिसत आहे. या टीझरमध्ये अभिनेता विजय वर्माची देखील झलक दिसत आहे.
दहाड वेब सीरिजच्या टीझरला प्रेक्षकांची प्रेक्षकांची पसंती मिळत आहे. या टीझरला अनेक नेटकऱ्यांनी कमेंट्स केल्या आहेत. एका नेटकऱ्यानं कमेंट केली आहे, 'ही सीरिज रिलीज होण्याची मी उत्सुकतेने वाट बघत आहे.' जोया अख्तरनं देखील दहाड वेब सीरिजचा टीझर सोशल मीडियावर शेअर केला आहे.
पाहा टीझर
'दहाड' ची स्टार कास्ट
सोनाक्षी आणि विजय यांच्यासोबतच या दहाड या सीरिजमध्ये गुलशन देवैया आणि सोहम शाह हे देखील प्रमुख भूमिका साकारणार आहेत. दहाड या सीरिजचा ट्रेलर 3 मे रोजी प्रेक्षकांच्या भेटीस येणार आहे.
सोनाक्षीचा डबल एक्सएल हा चित्रपट काही दिवसांपूर्वी प्रेक्षकांच्या भेटीस आला. या चित्रपटाला प्रेक्षकांचा फारसा प्रतिसाद मिळाला नाही. आता सोनाक्षीच्या दहाड या वेब सीरिजला प्रेक्षकांचा प्रतिसाद कसा मिळतो? याकडे अनेकांचे लक्ष लागले आहे. सोनाक्षीच्या आगामी चित्रपटांची प्रेक्षक उत्सुकतेने वाट बघत असतात. तिचा चाहता वर्ग मोठा आहे.
वाचा इतर महत्वाच्या बातम्या:
दोन तरुणींची 'वजनदार' गोष्ट; कसा आहे सोनाक्षी सिन्हाचा 'डबल एक्सएल' चित्रपट? जाणून घ्या...