Shamita Shetty: आज अभिनेत्री शमिता शेट्टीचा (Shamita Shetty) 44 वा वाढदिवस आहे. शमिताला बिग बॉस 15 (Bigg Boss - Season 15) मुळे विशेष लोकप्रियता मिळाली. शमितानं अनेक चित्रपटांमध्ये काम केले. शमिता ही तिच्या वैयक्तिक आयुष्यामुळे देखील चर्चेत असते. शमिता शेट्टीचे शालेय शिक्षण मुंबईमधील सेंट अँथनी गर्ल्स हायस्कूलमधून झाले. फॅशन डिझायनिंगमधील डिप्लोमा पूर्ण केल्यानंतर तिने प्रसिद्ध फॅशन डिझायनर मनीष मल्होत्रासोबत काम केले. त्यानंतर तिनं चित्रपटांमध्ये काम करण्यास सुरुवात केली. शमिता ही कोट्यवधींच्या संपत्तीची मालकीण आहे. जाणून घेऊयात तिच्या संपत्तीबाबत...
शमिताची संपत्ती
शमिता ही कोट्यवधींची मालकीण आहे. रिपोर्टनुसार, ती 35 कोटी एवढ्या संपत्तीची मालकीण आहे. तिच्याकडे अनेक आलिशान गाड्या आहेत. तिच्याकडे मर्सिडीज बेंज ही कार आहे, या गाडीची किंमत जवळपास 2 कोटी रुपये आहे. तसेच तिच्याकडे बीएमडब्ल्यू एक्स6 (BMW X6) ही गाडी देखील आहे.
शमिताचे चित्रपट
शमितानं 2000 मध्ये प्रदर्शित झालेल्या 'मोहब्बते' या चित्रपटामधून अभिनयक्षेत्रात पदार्पण केलं. त्यानंतर तिनं फरेब, जहर, कॅश या चित्रपटांमध्ये काम केले. झलक दिखला जा आणि 'फियर फॅक्टर: खतरों के खिलाडी 9' या कार्यक्रमांमध्ये देखील तिनं सहभाग घेतला. बिग बॉसच्या तिसऱ्या आणि 15 व्या सिझनमध्ये देखील तिनं सहभाग घेतला होता. 'यो के हुआ ब्रो' या सीरिजमध्ये शमितानं काम केलं. तसेच तिनं ब्लॅक विडोज नावाच्या थ्रिलर चित्रपटामध्ये देखील काम केलं. आहे.
शमिता ही सोशल मीडियावर देखील अॅक्टिव असते. ती सोशल मीडियावर तिच्या वेगवेगळ्या लूकमधील फोटो शेअर करते. तिला इन्स्टाग्रामवर 4 मिलियनपेक्षा जास्त फॉलोवर्स आहेत.
शमिता शेट्टी आणि राकेश बापट यांच्या नात्याची सुरुवात 'बिग बॉस ओटीटी'मध्ये झाली होती. याच घरात दोघांची पहिली भेट झाली होती. बिग बॉसमधून बाहेर पडल्यानंतरही ते अनेक कार्यक्रम आणि पार्ट्यांमध्ये एकत्र दिसले होते. काही दिवसांपूर्वी त्यांच्यात भांडण सुरू असल्याच्या चर्चा होत्या. त्यानंतर त्यांनी सोशल मीडियाच्या माध्यमातून ब्रेकअप झाल्याची माहिती चाहत्यांना दिली.
वाचा इतर महत्वाच्या बातम्या:
Shamita Shetty : ग्लॅमरस शमिताचा बोल्ड लूक; फोटोवर खिळल्या चाहत्यांच्या नजरा