उपचारासाठी लंडनला जाण्याअगोदर इरफानने शाहरुख खानला भेटण्याची इच्छा व्यक्त केली होती. त्यानंतर शाहरुखने इरफानच्या घरी जात त्याची भेट घेतली. तेव्हाच शाहरुखने आपल्या लंडनमध्ये असलेल्या घराची चावी इरफान खानला दिली असल्याचं समजतंय. इरफान आणि त्याचं कुटुंब घरच्या वातावरणात राहू शकेल, या त्यामागचा उद्देश होता.
शाहरुख आणि इरफान हे एकमेकांचे चांगले मित्र आहेत. बॉलिवूडच्या या दोन्ही सुपरस्टार्सने ‘बिल्लु’ सिनेमात एकत्र कामही केले आहे.दरम्यान, इरफान सध्या न्यूरोएन्डोक्रिन कॅन्सरने ग्रस्त आहे. काही दिवसांपूर्वीच त्याने लंडनमधील काही फोटो शेअर केले.
तसंच इरफानने एक भावनिक पत्रही लिहिले आहे. या संवेदनशील पत्रातून इरफान मानसिकदृष्ट्या खचल्याचं दिसत आहे.
संबंधित बातम्या :
अभिनेता इरफान खानला न्यूरोएन्डोक्राईन ट्यूमर
दुर्धर आजाराने इरफान खानला ग्रासलं, सोशल मीडियावर पोस्ट