Dunki : बॉलिवूड किंग अभिनेता शाहरुख खान (Shah Rukh Khan) याने एप्रिलमध्येच त्याच्या आगामी प्रोजेक्ट 'डंकी'ची (Dunki) घोषणा केली होती. अभिनेत्याच्या या घोषणेनंतर त्याचे चाहते आणि प्रेक्षक खुश झाले होते. त्याच्या या आगामी चित्रपटाचे शूटिंग आधीच सुरू झाले असून, शाहरुख खान या चित्रपटाच्या सीक्वन्स शूट करण्यासाठी लंडनला पोहोचला आहे. नुकतेच त्याच्या या शूटच्या सेटवरील फोटो आणि व्हिडीओ सोशल मीडियावर व्हायरल झाले आहेत. या चित्रपटातील अभिनेता शाहरुख खान याचा हा लूक पाहून चाहते खुश झाले आहे.
शाहरुख खान सध्या 'डंकी'च्या सीक्वेन्स शूटिंगसाठी लंडनला पोहोचला असून, या सेटवरील अनेक फोटो आणि व्हिडीओ सोशल मीडियावर व्हायरल होत आहेत. शाहरुखचे चाहते जगभरात पसरले आहेत. लंडनमध्येही आपल्या आवडत्या सुपरस्टारला पाहून लोक वेडे झाले. असाच एक व्हिडिओ सोशल मीडियावर समोर आला आहे, ज्यामध्ये शाहरुख त्याच्या कारकडे धावताना दिसत आहे आणि चाहते त्याची एक झलक कॅमेऱ्यात कैद करताना दिसत आहेत.
पाह व्हिडीओ :
शाहरुख खानसोबत 'डंकी'मध्ये अभिनेत्री तापसी पन्नू मुख्य भूमिकेत आहे. तापसी ही पहिल्यांदाच शाहरुखसोबत काम करणार आहे. त्यामुळे तापसी एक्सायटेड आहे. एका मुलाखतीमध्ये तापसीनं सांगितलं, 'मला या गोष्टीचा आनंद होत आहे की, कोणाच्याही ओळखीशिवाय माझं कास्टिंग या चित्रपटामध्ये झालं. चित्रपट निर्मात्यांना माझं काम आवडलं म्हणून त्यांनी मला या चित्रपटात काम करण्याची संधी दिली. ' पुढे तापसी म्हणाली, 'मी बालपणापासून शाहरुखचे चित्रफट पाहिले आहेत. शाहरुखच्या शेजारी थांबून एकाच फ्रेममध्ये काम करणं हे माझ्यासाठी एखाद्या स्वप्नासारखं आहे. मी काम करताना काही गडबड होणार नाही याकडे लक्ष देणार आहे. '
पुढच्या वर्षी रिलीज होणार चित्रपट
मुलाखतीमध्ये तापसीनं सांगितलं की,'चित्रपटाच्या शूटिंगचं पहिलं शेड्यूल पूर्ण झालं आहे. चित्रपटाचे आर्ध्यापेक्षा जास्त शूटिंग पूर्ण झालं आहे.' ‘डंकी’ या चित्रपटाचे दिग्दर्शन राजकुमार हिरानी यांनी केलं आहे. राजकुमार हिरानी यांच्या 'मुन्नाभाई एमबीबीएस' आणि '3 इडियट्स' या चित्रपटाला प्रेक्षकांची पसंती मिळाली. त्यांचा ‘डंकी’ हा चित्रपट डिसेंबर 2023 मध्ये रिलीज होणार आहे.
संबंधित बातम्या