Jawan Movie New Poster: अभिनेता शाहरुख खान (Shah Rukh Khan) हा त्याच्या स्टाईलनं आणि अभिनयानं प्रेक्षकांची मनं जिंकतो. लवकरच त्याचा जवान (Jawan) हा चित्रपट प्रेक्षकांच्या भेटीस येणार आहे. जवान या चित्रपटात शाहरुख व्हिलनची भूमिका साकारणार आहे, असं म्हटलं जात आहे. काही दिवसांपूर्वी या चित्रपटाचा प्रीव्यू शेअर करण्यात आला. आता शाहरुखनं सोशल मीडियावर जवान या चित्रपटाचं नवं पोस्टर शेअर केलं आहे. या पोस्टमधील शाहरुखच्या लूकनं अनेकांचे लक्ष वेधले आहे.
शाहरुखनं जवान या चित्रपटाचं पोस्टर सोशल मीडियावर शेअर करुन कॅप्शनमध्ये लिहिलं, 'जब मैं विलन बनता हूं ना तो मेरे सामने कोई भी हीरो टिक नहीं सकता! जवान हा चित्रपट 7 सप्टेंबर रोजी रिलीज होत आहे. हिंदी, तमिळ आणि तेलुगू या भाषांमध्ये हा चित्रपट प्रेक्षकांच्या भेटीस येणार आहे.'
शाहरुखचा लूक
जवान चित्रपटाच्या या नव्या पोस्टरमधील शाहरुखच्या लूकनं अनेकांचे लक्ष वेधले आहे. पोस्टरमध्ये शाहरुख हा हातात बंदुक आणि डोळ्यावर गॉगल अशा लूकमध्ये दिसत आहे. अनेकांनी शाहरुखच्या या लूकचं कौतुक केलं आहे.
जवानची स्टार कास्ट
शाहरुखसोबतच विजय सेतुपती, नयनतारा हे कलाकार देखील जवान या चित्रपटामध्ये प्रमुख भूमिका साकारणार आहेत. दीपिका पादुकोण देखील या चित्रपटात कॅमिओ रोलमध्ये दिसणार आहे. तसेच गिरिजा ओक ही मराठमोळी अभिनेत्री देखील या चित्रपटात काम करणार आहे. या चित्रपटाचं दिग्दर्शन अॅटलीनं केलं आहे. जवान हा चित्रपट बॉक्स ऑफिसवर हिट ठरेल का? याकडे आता अनेकांचे लक्ष लागले आहे.
शाहरुखचे चित्रपट
शाहरुखचा पठाण हा चित्रपट काही महिन्यांपूर्वी रिलीज झाला होता. या चित्रपटानं बॉक्स ऑफिसवर धुमाकूळ घातला. देशातीलच नाही तर परदेशातील प्रेक्षकांनी देखील या चित्रपटाचं कौतुक केलं. आता शाहरुखचा जवान हा चित्रपट रिलीज होणार आहे. तसेच त्याचा डंकी हा चित्रपट देखील प्रेक्षकांच्या भेटीस येणार आहे. जवान आणि डंकी या शाहरुखच्या दोन्ही आगामी चित्रपटांची त्याचे चाहते उत्सुकतेने वाट बघत आहेत.
वाचा इतर महत्वाच्या बातम्या: