मुंबई : बॉलिवूडचे करण-अर्जुन, अर्थात किंग खान शाहरुख आणि सुपरस्टार सलमान खान यांची मैत्री जगजाहीर आहे. याच मित्रत्वाच्या नात्याने शाहरुखने भावासारख्या मित्राला अत्यंत महागडं गिफ्ट दिलं आहे. किंग खानने सल्लूला लक्झरी कार भेट दिल्याचं वृत्त आहे. शाहरुखने 'ट्युबलाईट'मध्ये कॅमिओ करण्यास होकार दिल्यास, आनंद राय यांच्या चित्रपटात गेस्ट अपिअरन्स करण्याचं सलमानने मान्य केलं होतं. किंग खानने त्याचं वचन पाळलं, त्यामुळे साहजिकच सलमान शाहरुखची भूमिका असलेल्या आगामी चित्रपटात पाहुणा कलाकार म्हणून दिसणार आहे.

'ट्युबलाईट'च्या अपयशामुळे सलमानने लकी ब्रेसलेट काढलं?

दिलेला शब्द पाळण्यासाठी आपल्या बिझी शेड्यूलमधून वेळ काढण्यास सलमान राजी झाला, याचं सलमानला प्रचंड अप्रूप वाटलं. त्यामुळेच एक नवीकोरी लक्झुरिअस कार भेट देऊन शाहरुखने कृतज्ञता व्यक्त केली, असं 'बॉलिवूड लाईफ'च्या एका रिपोर्टमध्ये म्हटलं आहे. ही कार नव्याने लाँच झाली असून अद्याप हे मॉडेल कोणाकडेच नाही. शाहरुखचं गिफ्ट पाहून सलमानही अचंबित झाला.

'ट्युबलाईट'नंतर सलमान-शाहरुख मोठ्या पडद्यावर पुन्हा एकत्र?

आनंद एल राय यांचं दिग्दर्शन असलेल्या आगामी चित्रपटाचं नाव अद्याप ठरलेलं नाही. 'जब तक है जान' तील अनुष्का शर्मा, शाहरुख खान, कतरिना कैफ हे त्रिकूट यानिमित्ताने पुन्हा एकत्र येणार आहेत. शाहरुख यात एका गाण्यात ठेका धरणार आहे.