Akshay Kumar Emraan Hashmi Selfiee Motion Poster Out : बॉलिवूडचा (Bollywood) खिलाडी कुमार अर्थात अक्षय कुमारने (Akshay Kumar) नववर्षाच्या सुरुवातीला चाहत्यांना एक आनंदाची बातमी दिली आहे. मकरसंक्रांतीच्या (Makar Sankranti) निमित्ताने अक्षयने त्याच्या आगामी 'सेल्फी' (Selfiee) या सिनेमाचं मोशन पोस्टर आऊट केलं आहे. 


'सेल्फी' मोशन पोस्टर आऊट (Selfiee Motion Poster Out)


अक्षयाने सोशल मीडियाच्या माध्यमातून 'सेल्फी' या सिनेमाचं मोशन पोस्टर (Selfiee Motion Poster) आऊट केलं आहे. या पोस्टरमध्ये अक्षय (Akshay Kumar) आणि इमरान हाश्मी (Emraan Hashmi) एकमेकांशी भिडताना दिसत आहेत. या सिनेमात इमरान एका पोलीस इन्स्पेक्टरच्या भूमिकेत दिसणार असल्याचं पोस्टरवरुन स्पष्ट झालं आहे. तसेच खिलाडी कुमार एका सुपरस्टारच्या भूमिकेत दिसणार आहे. 


'सेल्फि'चं मोशन पोस्टर शेअर करत अक्षय म्हणाला...


अक्षय कुमारने 'सेल्फी' या सिनेमाचं पोस्टर शेअर केलं आहे. सिनेमाचं पोस्टर शेअर करत त्याने लिहिलं आहे,"एखाद्या कलाकाराला चाहतेच स्टार बनवतात आणि चाहतेच तो स्टार संपवतात. जेव्हा एखादा चाहता त्याच्या आयडॉलच्या विरोधात जातो तेव्हा काय होतं याचा शोध घ्या.. 24 फेब्रुवारी रोजी सिनेमागृहात #Selfiee पाहा". अक्षयसह इमराननेदेखील सोशल मीडियावर 'सेल्फी'चं मोशन पोस्टर शेअर केलं आहे. 






'सेल्फि' कधी होणार रिलीज? (Selfiee Released Date) 


'सेल्फी' या सिनेमाचं पोस्टर (Selfiee Released Date) शेअर करत अक्षयने या सिनेमाची रिलीज डेटदेखील जाहीर केली आहे. हा सिनेमा पुढच्या महिन्यात 24 फेब्रुवारीला सिनेमागृहात प्रदर्शित होणार आहे. 


'सेल्फि' या सिनेमात अक्षय कुमार आणि इमरान हाश्मीसह बॉलिवूड अभिनेत्री नुसरत भरुचा आणि डायना पेंटीदेखील महत्त्वाच्या भूमिकेत दिसणार आहे. लवकरच या सिनेमाचा ट्रेलर प्रेक्षकांच्या भेटीला येणार आहे. या सिनेमाचा ट्रेलर 19 जानेवारीला प्रेक्षकांच्या भेटीला येऊ शकतो अशी शक्यता वर्तवली जात आहे.


संबंधित बातम्या


Selfiee Release Date: अक्षय कुमार, इमरान हाश्मीच्या ‘सेल्फी’ चित्रपटाची रिलीज डेट जाहीर, ‘या’ दिवशी येणार प्रेक्षकांच्या भेटीला!