मुंबई : साधं 3 किंवा 4 किलो वजन वाढवणं वा कमी करणं अवघड होऊन बसतं. उत्साहाच्या भरात काही आठवडे जिम लावली जाते. नंतर मात्र संकल्प पार धुळीस मिळतो. पण, मिस्टर परफेक्शनिस्ट आमीर खानने 'दंगल' सिनेमासाठी तब्बल 30 किलो वजन वाढवलं आणि त्यात घट सुद्धा केली. 'दंगल' सिनेमात आमीरने पैलवान महावीर फोगट यांची भूमिका साकारण्यासाठी स्वतःचं वजन तब्बल 97 किलो इतकं केलं होतं. नंतर वजन कमी करणं अवघड होईल की काय, असंही आमीरला वाटलं. मात्र सातत्य आणि इच्छेच्या जोरावर त्यानं ते शक्यही केलं. 'दंगल' सिनेमा 23 डिसेंबरला रिलीज होणार आहे. यामध्ये आमीरने पैलवान महावीर फोगट यांची भूमिका साकारली आहे. आमीरने दंगलच्या ट्रेनिंगचा हा व्हिडिओ काल रिलीज केला. पाहा व्हिडिओ :