Sam Bahadur Box Office Collection Day 12: अभिनेता विकी कौशलचा (Vicky Kaushal) 'सॅम बहादुर' (Sam Bahadur) या चित्रपटाची बॉक्स ऑफिसवर रणबीर कपूरच्या 'अॅनिमल' या चित्रपटासोबत टक्कर झाली. हा चित्रपट ‘अॅनिमल’ या चित्रपटाच्या एवढी कमाई करू शकला नाही तरी या चित्रपटाने आपले बजेट वसूल केले आहे. 'सॅम बहादुर' या चित्रपटानं रिलीजच्या 12 व्या दिवशी किती कलेक्शन केले आहे? ते जाणून घेऊया...
'सॅम बहादुर' चं कलेक्शन (Sam Bahadur Box Office Collection)
‘सॅम बहादुर’ या चित्रपटानं रिलीजच्या दुसऱ्या सोमवारी 2.15 कोटींचे कलेक्शन केलं आहे. आता या चित्रपटाच्या रिलीजच्या दुसऱ्या मंगळवारच्या कमाईचे सुरुवातीचे आकडे समोर आले आहेत. Sacnilk च्या सुरुवातीच्या ट्रेंड रिपोर्टनुसार, 'सॅम बहादुर' या चित्रपटाने रिलीजच्या 12 व्या दिवशी म्हणजेच दुसऱ्या मंगळवारी 2.40 कोटी रुपये कमवले आहेत. यासोबतच 12 दिवसांत या चित्रपटाची एकूण कमाई 61.10 कोटींवर पोहोचली आहे.
वर्ल्डवाईड बॉक्स ऑफिस कलेक्शन (Sam Bahadur World Wide Collection)
'सॅम बहादुर' या चित्रपटाने आतापर्यंत जगभरात 81.8 कोटी रुपयांचे कलेक्शन केले आहे. 'सॅम बहादुर' हा चित्रपट सॅम माणेकशॉ यांच्या जीवनावर आधारित आहे. या चित्रपटाचं दिग्दर्शन मेघना गुलजार यांनी केलं आहे. या चित्रपटाची निर्मिती 55 कोटींच्या बजेटमध्ये करण्यात आली आहे. रिलीजच्या 12 दिवसांत या चित्रपटाने आपल्या बजेटपेक्षा जास्त कमाई केली आहे.
'सॅम बहादुर' चित्रपटामधील कलाकार
विकी कौशलने 'सॅम बहादुर' या चित्रपटामध्ये सॅम माणेकशॉ यांची भूमिका साकारली आहे. सान्या मल्होत्रा आणि फातिमा सना शेख यांच्याही या चित्रपटात महत्त्वाच्या भूमिका आहेत. अनेक नेटकऱ्यांनी सोशल मीडियावर पोस्ट शेअर करुन सॅम बहादुर या चित्रपटाचं कौतुक केलं आहे. तसेच ‘सॅम बहादूर’ हा चित्रपट पाहिल्यानंतर सचिन तेंडुलकर (Sachin Tendulkar) आणि आनंद महिंद्रा (Anand Mahindra) यांनी या चित्रपटाचं भरभरुन कौतुक केलं आहे. 'सॅम बहादुर' या चित्रपटानंतर आता त्याच्या आगामी चित्रपटाची प्रेक्षक उत्सुकतेने वाट बघत आहेत. विकी कौशल हा छावा या चित्रपटामधून प्रेक्षकांच्या भेटीला येणार आहे, असं म्हटलं जात आहे.
संंबंधित बातम्या:
Sam Bahadur: सचिन तेंडुलकर आणि आनंद महिंद्रा यांनी "सॅम बहादुर"चं केलं भरभरुन कौतुक; म्हणाले...