'लोकांना इथे पाणी मिळत नाही आणि तुम्ही...'; फॅन्सच्या व्हिडीओवर सलमानची रिअ‍ॅक्शन

बॉलिवूडचा सुपरस्टार सलमान खानचा (Salman Khan) चित्रपट 'अंतिम : द फायनल ट्रुथ' (Antim: The Final Truth) सध्या बॉक्स ऑफिसवर धुमाकूळ घालत आहे.

Salman Khan Request Fans To Not Pour Milk On His Film Antim Poster : बॉलिवूडचा सुपरस्टार सलमान खानचा (Salman Khan) चित्रपट 'अंतिम : द फायनल ट्रुथ' (Antim: The Final Truth) सध्या बॉक्स ऑफिसवर धुमाकूळ घालत आहे. काही दिवसांपूर्वी मालेगावच्या थिएटरमधील सलमानचे चाहते फटाक्यांची आतिषबाजी करतानाचा व्हिडीओ व्हायरल झाला होता. त्यानंतर आता सलमानच्या पोस्टरला दूधाने अभिषेक करतानाचा व्हिडीओ व्हायरल होत आहे. हा व्हिडीओ शेअर करून सलमानने त्याच्या चाहत्यांना दूध असे वाया घलवू नका, असा संदेश दिला आहे. 

सोशल मीडियावर व्हिडीओ शेअर करत सलमानने त्याला कॅप्शन दिले, 'अनेक लोकांना प्यायला पाणी मिळत नाही आणि तुम्ही असं दूध वाया घालवत आहात. तुम्हाला जर दूध द्यायचे असेल मी विनंती करतो हे दूध  गरीब मुलांना द्या. असं वाया घालवू नका.' फॅन्सला सलमानने दिलेल्या संदेशाचे नेटकरी भरभरून कौतुक करत आहेत. एका नेटकऱ्यांने सलमानच्या या पोस्टवर कमेंट केली, 'भाई तुम्ही खूप चांगले व्यक्ती आहात.'
 

सलमान खानचा 'अंतिम : द फायनल ट्रुथ' हा चित्रपट 26 नोव्हेंबरला सिनेमागृहात प्रदर्शित झाला होता. या चित्रपटात सलमानसोबत महिमा मकवाना, उपेंद्र लिमये आणि आयुष शर्मा यांनी महत्वाची भूमिका साकारली आहे. या  चित्रपटाचे दिग्दर्शन महेश मांजरेकरांनी केले आहे. या चित्रपटातील 'कोई तो आएगा' ,'भाई का बर्थडे', 'होने लगा' आणि 'चिंगारी' या गाण्यांना प्रेक्षकांची पसंती मिळत आहे.