Salman Khan Bodyguard Shera: आपण अनेकदा बॉलिवूड सुपरस्टार्सना बॉडीगार्ड्सच्या गराड्यात वेढलेले पाहिले असेल… सेलिब्रिटी जिथे जातात, तिथे हे बॉडीगार्ड्स आधी हजर असतात. कलाकारांवर येणारं कुठलंही संकट ते आधी झेलण्याचं काम करतात. आज आम्ही तुम्हाला बॉलिवूडच्या अशाच एका बॉडीगार्डबद्दल सांगणार आहोत, ज्याचा दर्जा एखाद्या सेलिब्रिटीपेक्षा कमी नाही. हा व्यक्ती आहे सलमान खानचा (Samlan Khan) बॉडीगार्ड शेरा (Shera), जो सलमान खानसोबत सतत सावलीसारखा असतो. मीडिया रिपोर्ट्सनुसार, शेरा प्रेमाने सलमान खानला ‘मालिक’ म्हणून हाक मारतो.


भाईजानचा ‘बॉडीगार्ड’ शेरा 1987 मध्ये ‘मिस्टर मुंबई ज्युनियर’ आणि 1988 मध्ये ‘मिस्टर महाराष्ट्र ज्युनियर’चा सेकंड रनर अप ठरला आहे. मात्र, सलमान खानच्या सुरक्षेत नेहमीच तैनात असलेल्या शेराला किती पगार मिळतो, हे तुम्हाला माहीत आहे का? मीडिया रिपोर्ट्सनुसार शेराचे वार्षिक पॅकेज 2 कोटी रुपये आहे. म्हणजेच सलमान खान बॉडीगार्ड शेराला दर महिन्याला 15 लाख रुपये पगार देतो.


सलमान खानचा (Salman Khan) पूर्णवेळ अंगरक्षक बनण्यापूर्वी शेराने (Shera) मायकल जॅक्सन (Michael Jackson), विल स्मिथ (Will Smith), पॅरिस हिल्टन (Paris Hilton) आणि जॅकी चॅन (Jackie Chan) इत्यादी अनेक आंतरराष्ट्रीय सेलिब्रिटींची सुरक्षा व्यवस्था देखील सांभाळली आहे.



‘भाईजान’ माझ्यासाठी सर्वकाही!


शेरा ‘दबंग’ सलमान खानच्या किती जवळचा आहे, याचा अंदाज तुम्हाला त्याने दिलेल्या काही मुलाखतींवरून येऊ शकतो. एका मुलाखतीत शेरा म्हणाला होता, 'मालिक म्हणजे गुरु, सलमान मालिक माझ्यासाठी सर्वस्व आहेत. त्यांच्यासाठी मी माझा जीवही देऊ शकतो. ते माझ्यासाठी देव आहेत'.  


दुसर्‍या एका मुलाखतीत शेरा म्हणाला होता, 'जोपर्यंत मी जिवंत आहे, तोपर्यंत मी सलमानसोबत असेन. मी लोकांना अनेकदा सांगतो की, तुम्ही मला भाईजानसोबत किंवा त्याच्या मागे उभे असलेले पाहू नका, कारण मी नेहमी त्याच्यासमोर ढालीसारखा उभा राहीन. त्याच्यावर येणाऱ्या प्रत्येक संकटाला आधी माझा सामना करावा लागेल.’


इतर बातम्या :



LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोड पाहा लाईव्ह - ABP Majha